Imisebenzi 27:3 - iBhayibhili Elingcwele 1978

³ Kusasa safika eSidoni; uJuliyu wamphatha kuhle uPawuli, wamvumela ukuba aye kubangane bakhe ukuze bamsize bona.

IBhayibhili Elingcwele LesiNdebele

³ Kusisa sakhuphukela eSidoni; uJuliyasi watshengisa umusa kuPhawuli, wamvumela ukuthi aye kubangane bakhe bamenzele lokho ayengabe ekuswela.

Imisebenzi 27:3 ပူးပေါင်းရင်းမြစ်များ

UGenesisi 10:15

UKanani wazala uSidoni olizibulo lakhe, loHethi,

UGenesisi 49:13

UZebuluni uzakuhlala ngasolwandle, abe litheku lemikolo, umkhawulo wakhe uzakuba ngaseSidoni.

U-Isaya 23:12

Yathi: Kawusayikujabula, wena muzi waseSidoni ocindezelweyo; suka, ubalekele eKuprosi, kanti lakhona lapho kawuyikuphumula.

UZakhariya 9:2

leHamathi lalo elikhawula kilo, leTire leSidoni lanxa kuhlakaniphile.

UMatewu 11:21

Wathi: Maye kuwe Korazini! Maye kuwe Betsayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka bembatha amasaka bazithela ngomlotha.

Imisebenzi 12:20

UHerodi wayebathukuthelele abaseTire labaseSidoni; beza kuye nganhliziyonye; sebevumelene loBlastusi induna yendlu yenkosi, bacela ukuthula, ngoba ilizwe labo lalifunzwa ngelenkosi.

Imisebenzi 24:23

Walaya induna yekhulu ukuba agcinwe, kodwa abe lenkululeko, kungalelwa muntu wabangane bakhe ukumsiza.

Imisebenzi 27:1

Kwathi sekuqunyiwe ukuba siye eItaliya ngomkolo, banikela uPawuli lezinye izibotshwa ezithile enduneni yekhulu eyesigaba sikaKesari ethiwa nguJuliyu.

Imisebenzi 27:43

kodwa induna yekhulu ifisa ukusilisa uPawuli yabavimbela ukwenza lokho ababekuqondile, yalaya ukuba labo abakwaziyo ukuhlamba baziphosele kuqala olwandle, baye emhlabathini,

Imisebenzi 28:16

Esefikile eRoma, uPawuli wavunyelwa ukuhlala yedwa kanye lowebutho omlindayo.

UJoshuwa 19:28

leEbroni leRehobi leHamoni leKana laze lafika eSidoni elikhulu.