Imisebenzi 26:7 - iBhayibhili Elingcwele 1978

⁷ ezithemba ukufinyelela kuso izizwe zakithi ezilitshumi lambili, zikhonza uNkulunkulu ngesineke ebusuku lemini; ngenxa yalelothemba, nkosi, ngimangalelwe ngabaJuda.

IBhayibhili Elingcwele LesiNdebele

⁷ Lesi yiso isithembiso esilindelwe yizizwana zakithi ezilitshumi lambili ukuthi zizasibona sigcwaliseka zilokhu zimkhonza uNkulunkulu ngokutshiseka emini lebusuku. Mhlekazi, kungenxa yalo lelithemba engimangalelwa lona ngamaJuda.

Imisebenzi 26:7 ပူးပေါင်းရင်းမြစ်များ

U-Ezra 6:17

Ekwahlukaniselweni kwayo uNkulunkulu lindlu banikela inkunzi ezilikhulu, lenqama ezingamakhulu amabili, lamawundlu angamakhulu amane; banikelela uIsrayeli wonke umnikelo wesono intondolo ezilitshumi lambili ezilingana lezizwe zakoIsrayeli.

U-Ezra 8:35

Ngalesosikhathi labo ababebuyile ekuthunjweni banikela, kwaba ngumnikelo wokutshiswa kuNkulunkulu kaIsrayeli, inkunzi ezilitshumi lambili zinikelelwa uIsrayeli wonke, lezinqama ezingamatshumi aficamunwemunye lesithupha, lamawundlu angamatshumi ayisikhombisa lesikhombisa; banikela lempongo ezilitshumi lambili, zaba ngumnikelo wesono; konke lokhu kwaba ngumnikelo wokutshiselwa iNkosi uNkulunkulu.

AmaHubo 135:2

lina elima endlini yeNkosi, emagumeni endlu kaNkulunkulu wethu.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

ULukha 2:25

Kwakukhona eJerusalema umuntu othiwa nguSimiyoni ibizo lakhe. Wayelungile, emesaba uNkulunkulu, loMoya oNgcwele ube phezu kwakhe; wayelindele inkululeko kaIsrayeli.

ULukha 22:30

lami ngilimisele ukuba lidle, linathe etafuleni yami embusweni wami; lokuba lihlale ezihlalweni zobukhosi, lithonisise izizwe ezilitshumi lambili zakoIsrayeli.

Imisebenzi 20:31

Ngakho lindani, likhumbule ukuthi okweminyaka emithathu ebusuku lemini kangiyekelanga ukuleluleka lonke ngenyembezi.

Imisebenzi 24:15

ngilethemba kuNkulunkulu abalivumayo labo uqobo lwabo elokuthi kuzakuba khona ukuvuka kwabafileyo, okwabalungileyo labangalunganga.

Imisebenzi 26:2

Ngizibona ngilenhlanhla yokuthi kuphambi kwakho, nkosi Agripha, lapho engizakuziphendulela khona lamuhla kukho konke engimangalelwa ngakho ngabaJuda,

Imisebenzi 26:3

ikakhulu ngoba uyawazi wonke amasiko lokuphikisana kwabaJuda; ngakho ngiyakuncenga ukuba ungilalele ngesineke.

Imisebenzi 28:20

Ngakho ngenxa yalokhu ngilibizele lapha ukuba ngilibone, ngikhulume lani; ngoba ngenxa yethemba likaIsrayeli ngibotshiwe ngaleliketane.

AbaseFiliphi 3:11

ukuze kuthi uba kungenzeka ngifinyelele ekuvukeni kwabafileyo.

1 AbaseThesalonika 3:10

Ebusuku lemini siyakhuleka ukuba sibonane lani, siphelelise okusileleyo ekukholweni kwenu.

1 uTimothi 5:5

Lowo ongumfelwakazi isibili osele yedwa uthembele kuNkulunkulu, uhlala ekunxuseni lasekukhulekeni ebusuku lemini;

UJakhobe 1:1

Mina Jakobe, inceku kaNkulunkulu leyeNkosi uJesu Kristu, ngiyabingelela kuzo izizwe ezilitshumi lambili ezihlakazekileyo.