Imisebenzi 26:6 - iBhayibhili Elingcwele 1978

⁶ Kodwa lamuhla ngimi lapha ngithonisiswa ngenxa yethemba lesithembiso esenziwa nguNkulunkulu kubokhokho,

IBhayibhili Elingcwele LesiNdebele

⁶ Manje sekungenxa yethemba lami kulokho uNkulunkulu akuthembisa okhokho bethu okwenza ngithonisiswe lamuhla.

Imisebenzi 26:6 ပူးပေါင်းရင်းမြစ်များ

UGenesisi 12:3

Ngizakubabusisa abakubusisayo, ngibaqalekise abakuqalekisayo; lonke usendo lomhlaba luzazicelela ukubusiswa njengawe.

UGenesisi 22:18

langenzalo yakho zonke izizwe zomhlaba zizabusiswa, ngoba ulalele ilizwi lami.

UGenesisi 26:4

Ngizakwandisa inzalo yakho ibe ngangezinkanyezi zezulu, ngiyinike inzalo yakho lamazwe wonke; ngenzalo yakho zizabusiswa izizwe zonke zomhlaba;

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

AmaHubo 132:11

INkosi yafunga kuDavida ngeqiniso, kayiyikusaphula isifungo sayo; yathi: Enye yamadodana akho ngizakuyibeka esihlalweni sakho sobukhosi.

AmaHubo 132:17

Lapho ngizakuvusa usendo lukaDavida; ngilungisele ogcotshiweyo wami isibane.

AmaHubo 98:2

INkosi ikuvezile ukunqoba kwayo, ikubekile obala ukulunga kwayo phambi kwezizwe.

U-Isaya 4:2

Ngalolosuku isihlahla seNkosi sizakuba sihle, sibe lodumo, lezithelo zelizwe zizakuba ligugu lodumo lwabaseleyo koIsrayeli.

U-Isaya 7:14

Ngakhoke iNkosi uqobo izakukunika isibonakaliso. Khangela, intombi izakuthatha isisu, ibelethe indodana ezakubizwa ngokuthi nguEmanuweli.

UHezekhiyeli 21:27

Ukuchitheka, ukuchitheka, ngizaletha ukuchitheka emzini okungazanga kube khona ngaphambili, kuze kufike umuntu onguye okhethiweyo ukuba awuthonisise.

UHezekhiyeli 37:24

Inceku yami uDavida uzakuba yinkosi yabo, babe lomalusi munye. Bazalandela imithetho yami, bananzelele ukugcina izimiso zami.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UJoweli 2:32

Kuzakuthi bonke abakhuleka ebizweni leNkosi bakhululwe; ngoba entabeni yaseZiyone kuzakuba khona labo abaphunyukileyo, njengokutsho kweNkosi, laseJerusalema kube khona abaseleyo ababizwe yiNkosi.

uObadiya 1:21

Abasilileyo bakhwele entabeni yaseZiyone ukubusa intaba kaEsawu; iNkosi yiyo ezakubusa.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UMikha 7:20

uzanika uJakobe ukuthembeka, lenzalo kaAbrahama uthando olungapheliyo, njengokufunga kwakho kubo endulo.

UZakhariya 13:1

Ngalolosuku umthombo uzavulelwa indlu kaDavida labakhileyo eJerusalema ukuba bahlanjululwe ezonweni lasek ungcoleni.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

UZakhariya 6:12

uthi kuye: INkosi yamabandla ithi: Nangu umuntu obizo lakhe lithiwa nguHlumela, ngoba uzakhula endaweni yakhe, akhe ithempeli leNkosi.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UMalaki 3:1

INkosi yamabandla ithi: Khangelani, ngiyasithuma isithunywa sami ukulungisa indlela phambi kwami. INkosi eliyidingayo izafika masinyane ethempelini layo; isithunywa sesivumelwano elithokoza ngaso siyeza.

UMalaki 4:2

Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

Imisebenzi 23:6

Kwathi uPawuli esebonile ukuthi enye ingxenye yabo ingabaSadusi lenye ingabaFarisi, wamemeza emphakathini, wathi: Bazalwane, mina ngingumFarisi lendodana yomFarisi, ngimangalelwe ngethemba langokuvuka kwabafileyo.

Imisebenzi 24:15

ngilethemba kuNkulunkulu abalivumayo labo uqobo lwabo elokuthi kuzakuba khona ukuvuka kwabafileyo, okwabalungileyo labangalunganga.

Imisebenzi 24:21

ngaphandle kwalolulutho olulodwa engalutsho ngimi phambi kwabo ukuthi: Ngokuvuka kwabafileyo mina ngiyathonisiswa yini lamuhla.

Imisebenzi 26:8

Kungani ukuba kube yinto engakholekiyo kini ukuthi uNkulunkulu uyabavusa abafileyo na?

Imisebenzi 28:20

Ngakho ngenxa yalokhu ngilibizele lapha ukuba ngilibone, ngikhulume lani; ngoba ngenxa yethemba likaIsrayeli ngibotshiwe ngaleliketane.

Imisebenzi 3:24

Yebo, labaprofethi bonke, kusukela kuSamuweli labalandelayo, bonke batshumayela ngalezinsuku.

AbaseRoma 15:8

Ngoba ngithi uKristu waba yinceku yabasokileyo ukubonakalisa iqiniso likaNkulunkulu, ukuba aqinise izithembiso ezanikwa okhokho,

AbaseGalathiya 4:4

Kodwa kwathi isikhathi sesiphelele, uNkulunkulu wathumela iNdodana yakhe, yazalwa ngowesifazana, yazalelwa ngaphansi komlayo,

UDutheronomi 18:15

INkosi uNkulunkulu wenu izakulivusela phakathi kwabakini umprofethi onjengami; limlalele yena.

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.