Imisebenzi 26:2 - iBhayibhili Elingcwele 1978

² Ngizibona ngilenhlanhla yokuthi kuphambi kwakho, nkosi Agripha, lapho engizakuziphendulela khona lamuhla kukho konke engimangalelwa ngakho ngabaJuda,

IBhayibhili Elingcwele LesiNdebele

² “Nkosi Agripha, ngizibona ngilenhlanhla ukuma phambi kwakho lamuhla ngisethula ukuzivikela kwami kuwo wonke amacala engiwetheswa ngamaJuda,

Imisebenzi 26:2 ပူးပေါင်းရင်းမြစ်များ

AmaHubo 119:46

Ngizakukhuluma ngemilayo yakho phambi kwamakhosi, ngingayangeki;

UMatewu 10:19

Nxa belinikela, lingakhathaleli ukuthi lizakukhuluma kanjani lokuthi lizakuthini, ngoba lizakunikwa ngalesosikhathi lokho elizakukukhuluma.

ULukha 12:11

Nxa belisa emasinagogeni, laphambi kwababusi leziphathamandla, lingaphisekeli ukuthi lizakuziphendulela kanjani, lokuthi lizakukhulumani,

ULukha 21:12

Kodwa ngaphambi kwakho konke lokhu bazakulibamba, balizingele, balinikele emasinagogeni lasezintolongweni, balise phambi kwamakhosi lalabusi ngenxa yebizo lami.

Imisebenzi 25:26

Kodwa kangilalutho oluqinileyo ngaye engingayilobela inkosi; ngakho ngimlethile phambi kwenu, ikakhulu phambi kwakho, nkosi Agripha, ukuze kuthi esehloliwe ngibe lakho engingakuloba.

Imisebenzi 26:1

UAgripha wasesithi kuPawuli: Uvunyelwe ukuziphendulela. UPawuli waseselula isandla sakhe, waziphendulela esithi:

Imisebenzi 26:19

Ngakhoke, nkosi Agripha, kangalanga ukulalela umbono wasezulwini,

Imisebenzi 26:26

Inkosi iyazi ngalezizinto, ngakho ngikhuluma layo ngesibindi; ngoba ngikholwa ukuthi kalukho lalunye lwalezizinto olufihlakeleyo kuyo; ngoba lokhu kakwenziwanga engosini.

Imisebenzi 26:3

ikakhulu ngoba uyawazi wonke amasiko lokuphikisana kwabaJuda; ngakho ngiyakuncenga ukuba ungilalele ngesineke.

Imisebenzi 26:7

ezithemba ukufinyelela kuso izizwe zakithi ezilitshumi lambili, zikhonza uNkulunkulu ngesineke ebusuku lemini; ngenxa yalelothemba, nkosi, ngimangalelwe ngabaJuda.