Imisebenzi 22:1 - iBhayibhili Elingcwele 1978

¹ Bobaba, labazalwane, zwanini ukuziphendulela kwami engikwenza phambi kwenu.

IBhayibhili Elingcwele LesiNdebele

¹ “Bazalwane labobaba, manje lalelani lizwe ukuzivikela kwami.”

Imisebenzi 22:1 ပူးပေါင်းရင်းမြစ်များ

ULukha 12:11

Nxa belisa emasinagogeni, laphambi kwababusi leziphathamandla, lingaphisekeli ukuthi lizakuziphendulela kanjani, lokuthi lizakukhulumani,

ULukha 21:14

Ngakho kubekeni engqondweni zenu ukuba linganakani ngaphambili ukuba lizakuziphendulela kanjani;

Imisebenzi 13:26

Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa.

Imisebenzi 19:33

Abathile phakathi kwexuku bachasisela uAleksandro indaba, yena owayeqhutshelwe phambili ngabaJuda; uAleksandro waqhweba ngesandla efuna ukuchasisa ebantwini.

Imisebenzi 23:1

UPawuli wasewujolozela umphakathi, wathi: Bazalwane, ngihambile phambi kukaNkulunkulu ngilesazela sonke esihle kuze kube lamuhla.

Imisebenzi 23:6

Kwathi uPawuli esebonile ukuthi enye ingxenye yabo ingabaSadusi lenye ingabaFarisi, wamemeza emphakathini, wathi: Bazalwane, mina ngingumFarisi lendodana yomFarisi, ngimangalelwe ngethemba langokuvuka kwabafileyo.

Imisebenzi 24:10

Umbusi esemqhwebile ukuba akhulume, uPawuli waphendula wathi: Ngoba ngiyazi ukuthi sekuyiminyaka eminengi ungumgwebi phezu kwalesisizwe, ngiyaziphendulela ngesibindi.

Imisebenzi 25:16

Ngabaphendula ngathi: Kakusiwo umkhubo wamaRoma ukumnikela umuntu omangalelweyo engamiswanga phambi kwabammangaleleyo, azuze ithuba lokuziphendulela ngecala amangalelwa ngalo.

Imisebenzi 25:8

UPawuli eziphendulela wathi: Kangonanga lutho emlayweni wabaJuda, lasethempelini, lakuKesari.

Imisebenzi 26:24

Kwathi esaziphendulela ngokunjalo, uFestusi wathi ngelizwi elikhulu: Pawuli, uyahlanya, ukufunda okunengi kuyakuhlanyisa.

Imisebenzi 28:17

Kwathi ngemva kwensuku ezintathu wabiza abakhulu babaJuda; sebebuthene wathi kubo: Bazalwane, loba mina ngingenzanga lutho oluphambene lesizwe lamasiko abokhokho, nganikelwa ezandleni zamaRoma eJerusalema;

Imisebenzi 7:2

UStefane wathi: Bobaba labazalwane, lalelani. UNkulunkulu wenkazimulo wabonakala kubaba uAbrahama eseMesopotamiya, engakakhi eHarani,

AbaseRoma 2:15

ngoba babonakalisa ukuba umsebenzi womlayo ulotshiwe enhliziyweni zabo; lesazela sabo siyafakaza laso, lemicabango yabo ibasole loba ibavumele,

1 AbaseKhorinte 9:3

Lokhu kuyikuziphendulela kwami kulabo abangisolayo.

2 AbaseKhorinte 12:19

Belikade licabanga ukuthi siyaziphendulela kini na? Atshi, thina besikhuluma phambi kukaNkulunkulu sikuKristu; konke kwenzelwa ukwakhiwa kwenu, bathandwayo.

2 AbaseKhorinte 7:11

Khangelani, khona lokhokudabukiswa kwenu okungendlela kaNkulunkulu kuveze kini ukukhuthala okungaka, lokuziphendulela, lokuthukuthela, lokwesaba, lokusilangatha, lokutshiseka, lokuthanda ukuba kwenziwe ukulunga. Kukho konke lazibonakalisa ukuthi kalilacala.

AbaseFiliphi 1:17

kodwa labo abokuqala batshumayela uKristu ngombango kungesikho ngenhliziyo enhle, besithi bazakungivusela ukuhlupheka ekubotshweni kwami.

AbaseFiliphi 1:7

Impela kufanele ukuba ngikhumbule ngokunjalo ngani lonke, ngoba ngiyalithanda kakhulu, ngoba ekubotshweni kwami lasekuvikeleni kwami lasekuqiniseleni kwami ivangeli lina lonke lihlanganyela lami, emuseni kaNkulunkulu.

2 uTimothi 4:16

Ekuziphenduleleni kwami kwakuqala kwakungekho muntu owangimelayo; bonke bangihlamuka. Kakungabalelwa kibo lokho.

1 UPhethro 3:15

kodwa enhliziyweni zenu mdumiseni uKristu oyiNkosi. Lihlale lizilungisele ukuphendula bonke abalibuza isizatho sokuthemba kwenu, likwenze ngobumnene langokuhlakanipha;