Imisebenzi 2:4 - iBhayibhili Elingcwele 1978

⁴ Basebegcwala uMoya oNgcwele, baqala ukukhuluma ngezinye indimi njengalokhu uMoya wabanika ukuphumisela.

IBhayibhili Elingcwele LesiNdebele

⁴ Bonke bagcwaliswa ngoMoya oNgcwele, basebeqalisa ukukhuluma ezinye izindimi njengokwaneliswa kwabo nguMoya.

Imisebenzi 2:4 ပူးပေါင်းရင်းမြစ်များ

2 USamuyeli 23:2

uthi: Umoya weNkosi ukhuluma ngami, ilizwi layo lisolimini lwami.

U-Isaya 28:11

Yebo impela, ngomlomo wabezizwe langolimi lwezizweni iNkosi izakukhuluma lalababantu,

U-Isaya 59:21

Minake, lokhu kuyisivumelwano sami labo, itsho iNkosi, sokuthi umoya wami engikunike wona, lamazwi ami engiwafake emlonyeni wakho kawayikusuka emlonyeni wakho, lasemlonyeni wabantwana bakho, lasemlonyeni wabantwana babantwana bakho, kusukela kulesisikhathi kuze kube nininini.

UJeremiya 6:11

Ngalokhoke ngigcwele ulaka lweNkosi, sengikhathele yikubekezela. Lwehlisele phezu kwabantwana ezindleleni, lasemihlanganweni yamajaha; ngoba indoda izathathwa lomkayo, abadala kanye lamaxhegu.

UHezekhiyeli 3:11

Suka, uye ebantwini bakini abathunjiweyo, ukhulume kibo, loba bezakukuzwa loba bengayikukuzwa, uthi: Nanka amazwi eNkosi uNkulunkulu.

UMikha 3:8

Kodwa mina nginikwe amandla, lokulunga lesibindi, ukuba ngimtshele uJakobe iziphambeko zakhe loIsrayeli isono sakhe.

UMatewu 10:19

Nxa belinikela, lingakhathaleli ukuthi lizakukhuluma kanjani lokuthi lizakuthini, ngoba lizakunikwa ngalesosikhathi lokho elizakukukhuluma.

UMakho 16:17

Lezizibonakaliso zizakubalandela abakholwayo; ebizweni lami bazakukhupha omoya ababi, bakhulume ngendimi ezintsha,

ULukha 1:15

Ngoba uzakuba mkhulu emehlweni eNkosi; kasoze anathe iwayini lokunye okudakisayo; uzakugcwaliswa ngoMoya oNgcwele esesesiswini sikanina.

ULukha 1:41

Kwathi ukuba uElizabethi ezwe ukubingelela kukaMariya, umntwana weqa esiswini sakhe, loElizabethi wagcwaliswa ngoMoya oNgcwele,

ULukha 1:67

UZekariya uyise wagcwaliswa ngoMoya oNgcwele, wabikezela esithi:

ULukha 12:12

ngoba uMoya oNgcwele uzakulifundisa ngalesosikhathi lokho elifanele ukukukhuluma.

ULukha 21:15

ngoba mina ngizakulinika umlomo lokuhlakanipha abangemelane lakho, bakuphike, bonke abayizitha zenu.

ULukha 4:1

UJesu egcwele uMoya oNgcwele wabuya evela eJordani, waholelwa nguMoya enkangala,

UJohane 14:26

Kodwa uMsizi, uMoya oNgcwele, azakumthumela uBaba ebizweni lami, yena uzakulifundisa zonke izinto, alikhumbuze konke engakutshoyo kini.

UJohane 20:22

Kwathi esetshilo lokhu waphephetha phezu kwabo wathi kibo: Yamukelani uMoya oNgcwele.

Imisebenzi 1:5

ngoba uJohane wabhaphathiza ngamanzi, kodwa lina lizakubhaphathizwa ngoMoya oNgcwele kungakadluli insuku ezinengi.

Imisebenzi 1:8

kodwa lina lizakwamukela amandla, esefikile phezu kwenu uMoya oNgcwele, libe ngofakazi bami eJerusalema, lakulo lonke elaseJudiya laseSamariya kuze kube semikhawulweni yomhlaba.

Imisebenzi 10:46

Ngoba babezwa bekhuluma ngendimi, bedumisa uNkulunkulu. Kwang’khona uPetro wathi:

Imisebenzi 10:47

Ukhona yini ongala lamanzi ukuba lababantu bangabhaphathizwa abamukele uMoya oNgcwele njengathi na?

Imisebenzi 11:15

Kwathi ngisaqala ukukhuluma, uMoya oNgcwele wehlela phezu kwabo njengakithi ekuqaleni.

Imisebenzi 11:24

Ngoba wayeyindoda elungileyo, egcwele uMoya oNgcwele lokukholwa; kwengezelelwa eNkosini abantu abanengi.

Imisebenzi 13:52

Abafundi bagcwala intokozo loMoya oNgcwele.

Imisebenzi 13:9

Kodwa uSawuli othiwa nguPawuli, egcwele uMoya oNgcwele, wamjolozela

Imisebenzi 15:8

UNkulunkulu owaziyo inhliziyo wabafakazela ngokubanika uMoya oNgcwele njengathi;

Imisebenzi 19:6

Wathi uPawuli esebekile izandla zakhe phezu kwabo, uMoya oNgcwele wehlela kubo; bakhuluma ngendimi, bazisela.

Imisebenzi 2:11

labaseKrete labaseArabiya, siyabezwa bekhuluma ngendimi zakithi ngemisebenzi emikhulu kaNkulunkulu.

Imisebenzi 2:3

Kwasekubonwa yibo inlimi ezehlukeneyo kungathi ngezomlilo; zehla zahlala phezu kwalowo lalowo wabo.

Imisebenzi 4:31

Kwathi sebekhulekile, kwazanyazanyiswa indawo ababebuthene kuyo, bagcwaliswa ngoMoya oNgcwele bonke, bakhuluma ilizwi likaNkulunkulu ngesibindi.

Imisebenzi 4:8

Kwang’khona uPetro egcwele uMoya oNgcwele wathi kubo: Babusi babantu labadala,

Imisebenzi 6:3

Ngakhoke, bazalwane, khethani phakathi kwenu amadoda ayisikhombisa alodumo oluhle, agcwele uMoya lokuhlakanipha, esizakuwamisela lumsebenzi.

Imisebenzi 6:5

Lelolizwi lathokozisa lonke ibandla; basebekhetha uStefane, indoda egcwele ukukholwa loMoya oNgcwele, loFiliphu, loProkoro, loNikanori, loTimoni, loParmena, loNikola, ikholwa labezizwe elivela eAntiyoki,

Imisebenzi 6:8

UStefane egcwele umusa lamandla wenza izimangaliso lezibonakaliso ezinkulu phakathi kwabantu.

Imisebenzi 7:55

Kodwa yena egcwele uMoya oNgcwele wajolozela ezulwini, wabona inkazimulo kaNkulunkulu, loJesu emi ngakwesokunene sikaNkulunkulu,

Imisebenzi 8:17

Basebebeka izandla zabo phezu kwabo; bamamukela uMoya oNgcwele.

Imisebenzi 9:17

Ngakho uAnaniya wasuka, wangena endlini, wabeka izandla zakhe phezu kwakhe esithi: Sawuli, mzalwane, iNkosi uJesu ebonakele kuwe endleleni oze ngayo, ungithumile ukuba ubuye ubone, ugcwaliswe ngoMoya oNgcwele.

AbaseRoma 15:13

Kungathi uNkulunkulu wethemba angaligcwalisa ngentokozo yonke langokuthula konke ekukholweni kwenu, ukuze ngamandla kaMoya oNgcwele likhule ethembeni.

1 AbaseKhorinte 12:10

omunye aphiwe ukwenza izimangaliso, omunye aphiwe ukutshumayela, omunye aphiwe ukwahlukanisa omoya, lomunye ukukhuluma indimi ngendimi, lomunye ukuchasisa indimi.

1 AbaseKhorinte 13:1

Loba ngingakhuluma ngendimi zabantu lezezithunywa, kodwa uba ngingelalo uthando, ngiyisigubhu esikhalayo lensimbi encencethayo.

1 AbaseKhorinte 13:8

Uthando kalusoze lwaphela; kodwa uba kukhona ukutshumayela, kuzakudlula; uba kukhona ukukhuluma ngendimi, kuzakuphela; uba kukhona ukwazi, kuzakudlula.

1 AbaseKhorinte 14:18

Ngiyambonga uNkulunkulu ngoba mina ngikhuluma ngendimi kakhulu kulani lonke;

1 AbaseKhorinte 14:5

Ngiyathanda ukuba likhulume ngendimi lonke, kodwa kakhulu ukuba litshumayele. Otshumayelayo mkhulu kulokhuluma ngendimi, uba engachasisi, ukuze ibandla lakheke.

Abase-Efesu 3:19

kothando lukaKristu, lokulwazi lanxa lusedlula ukwazi konke, ukuze ligcwaliswe ngakho konke ukugcwala kukaNkulunkulu.

Abase-Efesu 5:18

Lingadakwa liwayini, ngoba kuvela kukho umsindo lenkanuko ezimbi; kodwa ligcwaliswe nguMoya.

Abase-Efesu 6:18

Khulekani izikhathi zonke ngoMoya ngokucela konke langokunxusa. Kulokhu lilinde ngesineke sonke, linxusele abangcwele bonke.

1 UPhethro 1:12

Bambulelwa ukuthi kabazisebenzeli bona kodwa basebenzela lina, ezintweni eselitshunyayezwe zona ngabalitshumayeze izindaba ezinhle ngoMoya oNgcwele othunywe evela ezulwini, izinto izithunywa ezilangatha ukuzibona.

2 UPhethro 1:21

ngoba kakuzanga kuze isiprofethi ngentando yomuntu, kodwa abantu bekhokhelwa nguMoya oNgcwele bakhuluma okuvela kuNkulunkulu.

1 USamuyeli 1:14

UEli wasesithi kuye: Uzadakwa kuze kube nini na? Suka lapha lize liphele kuwe iwayini.

1 USamuyeli 10:10

Lapho befika entabeni kaNkulunkulu bahlangana lexuku labaprofethi; umoya kaNkulunkulu wehlela phezu kwakhe masinyane, waprofetha kanye labo.