Imisebenzi 2:22 - iBhayibhili Elingcwele 1978

²² Madoda akoIsrayeli, zwanini amazwi ami. UJesu waseNazaretha, umuntu ofakazelwe nguNkulunkulu phambi kwenu ngemisebenzi yamandla langezimangaliso langezibonakaliso uNkulunkulu azenza ngaye phakathi kwenu, njengalokhu lisazi lina uqobo lwenu,

IBhayibhili Elingcwele LesiNdebele

²² Bantu bako-Israyeli, lalelani lokhu: UJesu waseNazaretha wayeyindoda eyamiswa nguNkulunkulu kini, ngezimangaliso lezibonakaliso uNkulunkulu azenzayo phakathi kwenu ngaye, njengoba lina ngokwenu lisazi.

Imisebenzi 2:22 ပူးပေါင်းရင်းမြစ်များ

U-Isaya 41:14

Ungesabi wena mpethu enguJakobe, lawe sibungu esinguIsrayeli. Mina ngizakukusiza, kutsho iNkosi; umhlengi wakho ungoNgcwele kaIsrayeli.

UMatewu 12:28

Kodwa uba mina ngikhupha omoya ababi ngoMoya kaNkulunkulu, lembala umbuso kaNkulunkulu usufikile kini.

UMatewu 2:23

Wafika, wahlala emzini othiwa iNazaretha ukuba kugcwaliseke okwakhulunywa ngabaprofethi ukuthi: Uzakubizwa ngokuthi ngoweNazaretha.

UMatewu 9:8

Kwathi amaxuku ebonile lokhu amangala, amdumisa uNkulunkulu onike abantu amandla anje.

ULukha 11:20

Kodwa uba ngikhupha omoya ababi ngomunwe kaNkulunkulu, umbuso kaNkulunkulu usufikile phela kini.

ULukha 18:37

Basitshela bathi: UJesu waseNazaretha uyadlula.

ULukha 24:18

Omunye wabo, othiwa nguKleyopha, wamphendula wathi: Wena nguwe wedwa isihambi eJerusalema ongazaziyo izinto ezenzekileyo kulezinsuku na?

UJohane 1:45

UFiliphu wafumana uNathanyeli, wathi kuye: Simfumene lowo aloba ngaye uMose emlayweni kanye labaprofethi, uJesu waseNazaretha, indodana kaJosefa.

UJohane 10:37

Uba ngingenzi imisebenzi kaBaba, kalingakholwa kimi.

UJohane 11:47

Ngakho abapristi abakhulu labaFarisi babiza umphakathi, bathi: Sizakwenza njani na? Ngoba umuntu lo wenza izibonakaliso ezinengi;

UJohane 12:17

Ngakho ixuku elalilaye mhla ebiza uLazaro ukuba aphume elibeni, emvusa kwabafileyo, lafakaza ngakho.

UJohane 15:24

Uba bengingenzanga phakathi kwabo imisebenzi engenziwanga ngomunye, ngabe kabalasono, kodwa khathesi babonile, bangizondile mina loBaba.

UJohane 19:19

UPilatu waloba isaziso, wasiphanyeka esiphambanweni. Kwakulotshiwe ukuthi: UJESU WASENAZARETHA, INKOSI YABAJUDA.

UJohane 3:2

Yena weza kuye ebusuku, wathi kuye: Mfundisi, siyazi ukuthi ungumfundisi ovela kuNkulunkulu, ngoba kakho ongenza lezizibonakaliso ozenzayo uba uNkulunkulu engelaye.

UJohane 4:48

Ngakho uJesu wathi kuyo: Uba lingaboni izibonakaliso lezimangaliso, kaliyikukholwa.

UJohane 5:36

Kodwa ubufakazi engilabo bukhulu kulobukaJohane, ngoba imisebenzi uBaba anginike yona ukuba ngiyiqede, yona limisebenzi engiyenzayo, iyangifakazela ukuthi uBaba ungithumile.

UJohane 6:14

Kwathi abantu bebona isimangaliso asenzileyo, bathi: Impela lo nguye umProfethi omele ukuza emhlabeni.

UJohane 6:27

Lingasebenzeli ukudla okuphelayo kodwa sebenzelani ukudla okuhlala kuze kube yikuphila okungapheliyo, ezakulinika khona iNdodana yomuntu; ngoba uNkulunkulu uYise ubeke kuyo uphawu lwakhe.

UJohane 7:31

Kodwa abanengi bexuku bakholwa kuye, bathi: Nxa uKristu esefikile, uzakwenza izibonakaliso ezinengi kulalezi azenzileyo lumuntu na?

UJohane 9:33

Uba lumuntu ebengaveli kuNkulunkulu, ubengenze lutho.

Imisebenzi 13:16

Ngakho uPawuli wasukuma, eqhweba ngesandla sakhe, wathi: Madoda akoIsrayeli, lani elesaba uNkulunkulu, lalelani.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Imisebenzi 2:19

Ngizakuveza izimangaliso ezulwini phezulu, lezibonakaliso emhlabeni phansi, igazi, lomlilo, lokuthunqa kwentuthu.

Imisebenzi 2:43

Wonke umuntu wehlelwa yikwesaba; kwenziwa ngabaphostoli izimangaliso lezibonakaliso ezinengi.

Imisebenzi 21:28

bamemeza bathi: Madoda akoIsrayeli, sizani! Nguye lumuntu ofundisa bonke endaweni zonke okuphambene lesizwe sakoIsrayeli, lomlayo, lalindawo; futhi ungenisile amaGriki ethempelini, wayingcolisa lindawo engcwele.

Imisebenzi 22:8

Ngaphendula ngathi: Ungubani, Nkosi, na? Wathi kimi: NginguJesu waseNazaretha omzingelayo.

Imisebenzi 24:5

Ngoba lindoda siyifumene iyinkathazo ivusa abaJuda bonke emhlabeni wonke, ingumholi wehlelo lamaNazaretha,

Imisebenzi 26:26

Inkosi iyazi ngalezizinto, ngakho ngikhuluma layo ngesibindi; ngoba ngikholwa ukuthi kalukho lalunye lwalezizinto olufihlakeleyo kuyo; ngoba lokhu kakwenziwanga engosini.

Imisebenzi 26:9

Lami ngokwami ngangisithi ngifanele ukwenza izinto ezinengi eziphambene lebizo likaJesu waseNazaretha;

Imisebenzi 3:12

Kwang’khona uPetro ebona lokho wathi ebantwini: Madoda akoIsrayeli, limangalelani ngalokhu na? Lisijolozelelani ngokungathi ngamandla ethu ingabe ngokukholwa kwethu simenze ukuba ahambe lumuntu na?

Imisebenzi 3:6

Kodwa uPetro wathi: Isiliva legolide kangilakho; kodwa ngizakukunika lokho engilakho; ebizweni likaJesu Kristu waseNazaretha, sukuma uhambe.

Imisebenzi 4:10

yazini lonke kanye laso sonke isizwe sakoIsrayeli ukuthi ngebizo likaJesu Kristu waseNazaretha elambethelayo, amvusayo kwabafileyo uNkulunkulu, ngaye lumuntu umi phambi kwenu esesilile.

Imisebenzi 5:35

Wasesithi kubo: Madoda akoIsrayeli, qaphelani kulokho elizakukwenza kulababantu.

Imisebenzi 6:14

ngoba simzwile esithi uJesu lo waseNazaretha uzakudiliza lindawo, aphendule lemikhuba uMose asinika yona.

2 AbaseKhorinte 12:12

Impela impawu zobuphostoli obuqotho zenziwa phakathi kwenu ngokubekezela konke, langezibonakaliso, langezimangaliso, langemisebenzi yamandla.

AmaHebheru 2:4

uNkulunkulu futhi efakaza kanye labo ngezibonakaliso langezimangaliso langemisebenzi yamandla eyizinhlobonhlobo langeziphiwo zikaMoya oNgcwele, ezabelwa ngokwentando yakhe.