Imisebenzi 2:20 - iBhayibhili Elingcwele 1978

²⁰ Ilanga lizakuphenduka umnyama, lenyanga ibe ligazi, lungakafiki usuku olukhulu loludumisekayo lweNkosi.

IBhayibhili Elingcwele LesiNdebele

²⁰ Ilanga lizaphendulwa libe yibumnyama, lenyanga ibeligazi phambi kokuba kufike usuku olukhulu lukaThixo, olukhazimulayo.

Imisebenzi 2:20 ပူးပေါင်းရင်းမြစ်များ

U-Isaya 13:10

Inkanyezi zezulu kaziyikukhanya; ilanga lizakuba mnyama ekuphumeni kwalo, lenyanga kayisayikukhanya.

U-Isaya 13:15

Bonke abazafunyanwa bazagwazwa, bonke abazabanjwa bazakubulawa ngomkhonto.

U-Isaya 13:9

Khangelani, usuku lweNkosi luyeza lulobuhlungu lokufutheka lolaka oluvuthayo, ukuba luchithe umhlaba, lubhubhise izoni ezikuwo.

U-Isaya 24:23

Laphoke inyanga izathuba, lelanga lifiphale, ngoba iNkosi yamabandla izabusa entabeni yaseZiyone laseJerusalema, ibonakalise inkazimulo yayo phambi kwezikhulu zayo.

U-Isaya 34:8

Ngoba iNkosi ilosuku lokuphindisela, umnyaka wokubuyiselwa kwendaba yaseZiyone.

UJeremiya 4:23

Ngakhangela umhlaba, wawuze ungelalutho, lephezulu lalingelakukhanya.

UJoweli 2:1

Khalisani uphondo eZiyone, lihlabe umkhosi entabeni yami egcwele. Kabathuthumele bonke abakhileyo elizweni, ngoba usuku lweNkosi luyeza, seluseduze,

UJoweli 2:31

Ilanga lizaphenduka umnyama, lenyanga ibe ligazi, lungakafiki usuku lweNkosi olukhulu lolwesabekayo.

UJoweli 3:14

Amaxuku ngamaxuku akhona esihotsheni sokwahlulela. Ngoba usuku lweNkosi selusondele esihotsheni sokwahlulela.

uAmosi 8:9

Ngalolosuku, itsho iNkosi uNkulunkulu, ngizatshonisa ilanga emini, ngenze kube mnyama emhlabeni emini ekhanyayo.

UMalaki 4:5

Khangelani, ngizalithumela umprofethi uElija lungakafiki usuku lweNkosi olukhulu lolwesabekayo.

UMatewu 24:29

Masinyane emva kokuhlupheka kwalezonsuku ilanga lizakufiphala, lenyanga kayiyikukhanya, lenkanyezi zizakuwa ezulwini, lamandla ezulu azakuzanyazanyiswa.

UMatewu 27:45

Kusukela emini kwaba mnyama emhlabeni wonke kwaze kwaba yiawa yesithathu ntambana.

UMakho 13:24

Kodwa ngalezonsuku emva kwalokhokuhlupheka ilanga lizakufiphala, lenyanga kayiyikukhanya,

ULukha 21:25

Kuzakuba khona isibonakaliso elangeni lasenyangeni lasezinkanyezini; lasemhlabeni usizi luzakwehlela izizwe, zidideke kakhulu ngenxa yokuduma kolwandle lamavinqo,

Imisebenzi 2:19

Ngizakuveza izimangaliso ezulwini phezulu, lezibonakaliso emhlabeni phansi, igazi, lomlilo, lokuthunqa kwentuthu.

Imisebenzi 2:21

Kuzakuthi ilowo lalowo obiza ibizo leNkosi, uzakusiliswa.

1 AbaseKhorinte 5:5

onjalo kanikelwe kuSathane kukho ukubhubha kwenyama yakhe, ukuze umoya wakhe usiliswe osukwini lweNkosi.

1 AbaseThesalonika 5:2

ngoba lina uqobo liyazi kuhle ukuthi usuku lweNkosi luzakufika njengesela ebusuku.

2 UPhethro 3:10

Kodwa usuku lweNkosi luzakufika njengesela, kuthi izulu lidlule ngokuhlokoma okukhulu, konke kuncibilikiswe ngumlilo, lomhlaba lemisebenzi ekuwo kuzakutsha.

2 UPhethro 3:7

Izulu lomhlaba okukhona khathesi kubekelwe umlilo ngalona lelolizwi, kulindele usuku lokulahlwa lokubhujiswa kwabantu abeyisa uNkulunkulu.

Isambulo 16:8

Isithunywa sesine sathululela elangeni okusemganwini waso; lavunyelwa ukutshisa abantu ngomlilo.

Isambulo 6:12

Ngasengibona lapho livula uphawu lwesithupha, kwaba khona ukuzamazama okukhulu komhlaba; ilanga laphenduka laba mnyama, njengelembu lokuzila, lenyanga yaba bomvu njengegazi;