Imisebenzi 2:14 - iBhayibhili Elingcwele 1978

¹⁴ Kodwa uPetro wasesukuma labalitshumi lanye, waphakamisa ilizwi lakhe, wakhuluma wathi kibo: Madoda aseJudiya, lani lonke elihlala eJerusalema, yazini lokhu, lilalele amazwi ami.

IBhayibhili Elingcwele LesiNdebele

¹⁴ UPhethro wasesukuma labalitshumi lanye, waphakamisa ilizwi lakhe wakhuluma emphakathini wathi, “Bantu bakithi elingamaJuda, lani lonke eliseJerusalema, kahleni ngilichasisele lokhu; lalelisisani lokhu engikutshoyo.

Imisebenzi 2:14 ပူးပေါင်းရင်းမြစ်များ

Izaga 8:32

Bantwana bami, ngilalelani; babusisiwe abagcina indlela zami.

U-Isaya 40:9

Khwela entabeni ende, wena obika indaba ezijabulisayo eZiyone, uphakamise ilizwi lakho umemeze, wena obika indaba ezijabulisayo eJerusalema, uliphakamise ungesabi, utsho emizini yakoJuda uthi: Khangelani, nangu uNkulunkulu wenu.

U-Isaya 51:1

INkosi ithi: Ngilalelani, lina elilandela ukulunga, lina elingidingayo; khangelani kulo idwala elacezulwa kilo, lakulo igodi elambiwa kulo.

U-Isaya 51:4

Ngizwani, bantu bami, lingilalele, lani sizwe sami; ngoba kuzakuphuma kimi umlayo, lokulunga kwami ukuba kukhanyisele izizwe.

U-Isaya 51:7

Ngilalelani, lina elazi ukulunga, abantu abalomlayo wami enhliziyweni zabo; lingesabi ukusola kwabantu, lingapheli amandla ngenxa yokuthuka kwabo.

U-Isaya 52:8

Zwanake, abalindi bakho baphakamisa amazwi abo, behlabela kakhulu ngokuthokoza kanyekanye, lapho bebonana leNkosi ubuso ngobuso ekufikeni kwayo eZiyone.

U-Isaya 55:2

Lichithelani imali yenu kulokho okungeyisikho ukudla, lamaholo enu kulokho okunganelisiyo na? Ngizwisisani, lidle okuhle, lizithokozise ngezibondlo.

U-Isaya 58:1

INkosi ithi: Memeza ngelizwi elikhulu, ungathuli, uphakamise ilizwi lakho njengelophondo, utshele abantu bami iziphambeko zabo, lendlu kaJakobe izono zayo.

UHosiya 8:1

INkosi ithi: Khalisa uphondo, ngoba ukhozi luzula phezu kwendlu yeNkosi; abantu bami sebephule isivumelwano sami, baphambuka emlayweni wami.

UMatewu 2:1

Kwathi uJesu esezelwe eBetlehema elaseJudiya ensukwini zikaHerodi inkosi, kwafika izazi eJerusalema zivela kwelasempumalanga,

Imisebenzi 1:26

Basebebenzela inkatho; inkatho yadla uMathiyasi; wabalwa kanye labaphostoli abalitshumi lanye.

Imisebenzi 13:16

Ngakho uPawuli wasukuma, eqhweba ngesandla sakhe, wathi: Madoda akoIsrayeli, lani elesaba uNkulunkulu, lalelani.

Imisebenzi 2:22

Madoda akoIsrayeli, zwanini amazwi ami. UJesu waseNazaretha, umuntu ofakazelwe nguNkulunkulu phambi kwenu ngemisebenzi yamandla langezimangaliso langezibonakaliso uNkulunkulu azenza ngaye phakathi kwenu, njengalokhu lisazi lina uqobo lwenu,

Imisebenzi 21:28

bamemeza bathi: Madoda akoIsrayeli, sizani! Nguye lumuntu ofundisa bonke endaweni zonke okuphambene lesizwe sakoIsrayeli, lomlayo, lalindawo; futhi ungenisile amaGriki ethempelini, wayingcolisa lindawo engcwele.

Imisebenzi 5:35

Wasesithi kubo: Madoda akoIsrayeli, qaphelani kulokho elizakukwenza kulababantu.

Imisebenzi 7:2

UStefane wathi: Bobaba labazalwane, lalelani. UNkulunkulu wenkazimulo wabonakala kubaba uAbrahama eseMesopotamiya, engakakhi eHarani,

UDutheronomi 27:9

UMose labapristi abangamaLevi bathi kuIsrayeli: Thula, Israyeli, ulalele; lamhla selingabantu beNkosi uNkulunkulu wenu.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?