Imisebenzi 19:9 - iBhayibhili Elingcwele 1978

⁹ Kodwa kwathi uba abanye besiba lukhuni bengakholwa, bekhuluma kubi ngaleyoNdlela phambi kwabantu, wasuka kubo waqegula abafundi wafundisa insuku ngensuku esikolweni sikaTiranu.

IBhayibhili Elingcwele LesiNdebele

⁹ Kodwa abanye babo baba yiziqholo; bala ukukholwa, bakhuluma kubi obala ngeNdlela. Ngakho uPhawuli wabatshiya. Wathatha abafundi wasuka wayahlangana labo baxoxisana nsuku zonke esikolweni sikaThiranu.

Imisebenzi 19:9 ပူးပေါင်းရင်းမြစ်များ

2 AmaKhosi 17:14

Kodwa kabalalelanga, baba lenkani njengokhokho babo abangayithembanga iNkosi uNkulunkulu wabo.

2 ImiLando 30:8

Lingabi lenkani njengaboyihlo, kodwa zinikeleni eNkosini, lize endlini yayo engcwele esizahlukanisele yona kuze kube nininini, likhonze iNkosi uNkulunkulu wenu, ukuba ulaka lwayo ludede kini.

2 ImiLando 36:16

Kodwa babelokhu bezihleka ulunya izithunywa zikaNkulunkulu, bedelela amazwi akhe, beklolodela abaprofethi bakhe, lwaze lwavutha ulaka lweNkosi ebantwini bayo baze baswela usizo.

UNehemiya 9:29

Wabaxwayisa ukuze babuyele emlayweni wakho; kodwa bazikhukhumeza, kabayilalelanga imilayo yakho; bayephula imithetho yakho umuntu aphila ngokuyilalela; baqinisa amakhanda, baba lenkani, kabaze balalela.

AmaHubo 95:8

Lingazenzi zibe lukhuni inhliziyo zenu njengaseMeriba, njengasosukwini lwaseMasa enkangala,

Izaga 8:34

Ubusisiwe umuntu ongizwayo, alinde insuku ngensuku ngasemasangweni ami, akhangele iminyango yami.

U-Isaya 8:14

Yona izakuba yisifu lelitshe elikhubekisayo, ibe lidwala eliwisa zombili izindlu zakoIsrayeli, ibe ngumjibila lesifu kwabakhileyo eJerusalema.

UJeremiya 19:15

INkosi yamabandla, uNkulunkulu kaIsrayeli, ithi: Khangelani, ngizakwehlisela kulumuzi lakuyo yonke imizana yawo konke okubi engikutshiloyo, ngoba balenkani, bala ukuzwa amazwi ami.

UJeremiya 7:26

Kodwa kabangizwanga, kabalalelanga, baba lenkani; benza okubi kulabokhokho babo.

UMatewu 15:14

Bayekeleni; bangabakhokheli abayiziphofu. Alubana isiphofu sikhokhela isiphofu, zizakuwela emgodini zombili.

UMatewu 16:4

Isizukulwana esibi lesifebayo sifuna isibonakaliso, kodwa kasiyikunikwa sibonakaliso kuphela isibonakaliso sikaJona. Wabatshiya wahamba.

UMatewu 26:55

Ngalesosikhathi uJesu wathi emaxukwini: Liphume lemihedla lezinduku ukuzangibamba kungathi ngingumphangi na? Bengihlezi insuku ngensuku ethempelini ngifundisa, kodwa kalingibambanga.

UJohane 12:40

Uphumputhekisile amehlo abo, wayenza lukhuni inhliziyo yabo, funa babone ngamehlo abo, baqedisise ngenhliziyo yabo, baphenduke, ngibasilise.

Imisebenzi 11:26

kwathi esemfumene, wamletha eAntiyoki. Kwaba ngumnyaka wonke behlangana lebandla, bafundisa abantu abanengi. Kwaqala eAntiyoki ukuba abafundi babizwe ngokuthiwa ngamaKristu.

Imisebenzi 14:4

Kodwa abantu bomuzi behlukana phakathi, abanye baba ngakubaJuda labanye baba ngakubaphostoli.

Imisebenzi 17:4

Abanye babo bakholwa, bazihlanganisa loPawuli loSilasi, njalo labanengi bamaGriki akholwayo, labesifazana abadumileyo abanengi.

Imisebenzi 19:23

Kodwa ngalesosikhathi kwasuka isiphithiphithi esikhulu mayelana laleyoNdlela.

Imisebenzi 19:30

UPawuli wafuna ukungena phakathi kwexuku, kodwa abafundi kabamvumelanga.

Imisebenzi 20:31

Ngakho lindani, likhumbule ukuthi okweminyaka emithathu ebusuku lemini kangiyekelanga ukuleluleka lonke ngenyembezi.

Imisebenzi 22:4

Ngazingela abantu baleyoNdlela kwaze kwaba sekufeni, ngibabopha, ngibanikela entolongweni abesilisa labesifazana,

Imisebenzi 24:21

ngaphandle kwalolulutho olulodwa engalutsho ngimi phambi kwabo ukuthi: Ngokuvuka kwabafileyo mina ngiyathonisiswa yini lamuhla.

Imisebenzi 28:22

Kodwa sifisa ukuzwa okunakanayo wena, ngoba mayelana lalelihlelo siyazi ukuthi liyaphikiswa endaweni zonke.

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

Imisebenzi 9:2

wacela incwadi zokuya eDamaseko emasinagogeni, ukuze kuthi uba efumana abantu baleyoNdlela, abesilisa labesifazana, abalethe eJerusalema bebotshiwe.

AbaseRoma 11:7

Phoke? Lokho uIsrayeli ayekufuna kakufumananga, kanti abakhethiweyo bakufumana; labanye benziwa baba lukhuni;

AbaseRoma 9:18

Ngakho uNkulunkulu uhawukela lowo athanda ukumhawukela, amenze lukhuni lowo athanda ukumenza lukhuni.

1 AbaseKhorinte 16:9

ngoba ngivulelwe umnyango omkhulu wethuba lokusebenza; labamelene lami banengi.

1 uTimothi 6:5

lokuxabana kwabantu abangqondo zabo zonakele, abalahlekelwe liqiniso, besithi ukukhonza uNkulunkulu kuyindlela yenzuzo.

2 uTimothi 1:15

Uyakwazi ukuthi bonke abaseAsiya bangihlamuka, abaphakathi kwabo ngoFigelo loHermogene.

2 uTimothi 3:5

labalesimo sokukholwa kodwa amandla akho bewaphika. Baxwaye abanjalo.

2 uTimothi 4:2

ukuba utshumayele ilizwi, uqinise ngazo izikhathi ezilungileyo lezingalunganga, usole, ukhuze, weluleke, ungadinwa yikubekezela lokufundisa.

AmaHebheru 3:13

Kodwa layanani insuku ngensuku kusathiwa kulamuhla, ukuze kungabi khona kini owenziwa lukhuni yikukhohlisa kwesono.

2 UPhethro 2:12

Kodwa lababantu bahlambaza izinto abangazaziyo, banjengezinyamazana ezingelangqondo, ezazalelwa ukubanjwa lokubulawa, labo bazakubhujiswa ekubhujisweni kwazo,

2 UPhethro 2:2

Abanengi bazakulandela amanyala abo; langenxa yabo indlela yeqiniso izakuthukwa.

UJuda 1:10

Kodwa lababantu bathuka konke abangakwaziyo; lalokho abakwaziyo ngemvelo njengezinyamazana ezingelangqondo babhubha ngakho.