Imisebenzi 17:16 - iBhayibhili Elingcwele 1978

¹⁶ Kwathi uPawuli esabalindele eAtene, umoya wakhe wakhathazeka phakathi kwakhe ebona umuzi ugcwele izithombe.

IBhayibhili Elingcwele LesiNdebele

¹⁶ UPhawuli esabamelele e-Athene, wakhathazeka kakhulu ngokubona ukuthi idolobho lelo laligcwele izithombe.

Imisebenzi 17:16 ပူးပေါင်းရင်းမြစ်များ

AmaHubo 119:158

Lapho ngibona abenza okubi ngiyacunuka, ngoba kabagcini imithetho yakho.

2 UPhethro 2:7

Kodwa wamophula uLoti olungileyo, owahlutshwa yikuhamba okubi kwabangalunganga;

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

UMakho 3:5

Wabathalaza ngokuthukuthela, edabukile ngobulukhuni benhliziyo zabo; wathi kulowomuntu: Yelula isandla sakho. Waselula, isandla sakhe sasiliswa.

UMikha 3:8

Kodwa mina nginikwe amandla, lokulunga lesibindi, ukuba ngimtshele uJakobe iziphambeko zakhe loIsrayeli isono sakhe.

UJeremiya 20:9

Uba ngisithi: Kangisayikuyiphatha, kangisayikukhuluma ngebizo layo; kuba khona enhliziyweni yami lokho okungathi ngumlilo ovuthayo, ovalelwe emathanjeni ami; sengikhathele ukubekezela, sengehlulekile.

AmaHubo 69:9

Ngoba ukutshisekela indlu yakho kungidlile, lenhlamba yabakuthukayo yehlele phezu kwami.

1 AmaKhosi 19:14

Wathi: Bengikutshisekela kakhulu, wena Nkosi, uNkulunkulu wamabandla, kodwa abantu bakoIsrayeli basephule isivumelwano sakho, badiliza amaaltare akho, babulala abaprofethi bakho; sekuyimi ngedwa engiseleyo, bayangizingela, bafuna ukungibulala.

1 AmaKhosi 19:10

Wathi: Bengikutshisekela kakhulu, wena Nkosi, uNkulunkulu wamabandla, ngoba abantu bakoIsrayeli basephule isivumelwano sakho, badiliza amaaltare akho, babulala abaprofethi bakho; sekuyimi ngedwa engiseleyo, bayangizingela, bafuna ukungibulala.

Imisebenzi 17:23

Ngoba ngithe ngihamba ngikhangela izinto elikhonza ngazo, ngafumana ialtare elilotshwe ukuthi: NGELIKANKULUNKULU ONGAZIWAYO. Lokho elikukhonza lingakwazi, yikho engikutshumayela kini.

UJohane 2:13

IPhasika labaJuda lalisondele; uJesu wenyukela eJerusalema.

Imisebenzi 17:15

Labo abaphelekezela uPawuli bamfikisa eAtene; sebamukele umlayezelo ngoSilasi loTimothi ukuba beze kuye masinyane basuka bahamba.

Imisebenzi 17:21

Ngoba bonke abaseAtene labezizwe abahlala khona babengasebenzi lutho, kuphela ukuxoxa lokuzwa ngezinto ezintsha.

Imisebenzi 18:1

Emva kwalokho wasuka eAtene, waya eKorinte.

Imisebenzi 20:22

Khathesi, khangelani, ngenyukela eJerusalema ngiqhutshwa nguMoya ngingakwazi okuzakungehlela lapho,

1 AbaseThesalonika 3:1

Kwathike singase lakubekezela, sathi kuhle ukuba sisale sodwa eAtene,