Imisebenzi 16:1 - iBhayibhili Elingcwele 1978

¹ Waya wafika eDerbe laseListra. Kwakukhona lapho umfundi othiwa nguTimothi, indodana yowesifazana ongumJuda okholwayo, kodwa uyise wayengumGriki;

IBhayibhili Elingcwele LesiNdebele

¹ Wafika eDebhe wedlulela eListra lapho okwakuhlala khona umfundi owayethiwa nguThimothi, olonina owaye ngumJudakazi, elikholwa, kodwa uyise engumGrikhi.

Imisebenzi 16:1 ပူးပေါင်းရင်းမြစ်များ

U-Ezra 9:2

Bazithathele emadodakazini azo ukuba abe ngomkabo labamadodana abo, kwaze kwaxubana isizwe esingcwele labantu bezizwe. Kulobububi izinduna lezikhulu yizo eziphambili.

Imisebenzi 14:1

Kwathi eIkoniyuma bangena esinagogeni labaJuda, bakhuluma kwaze kwakholwa ixuku elikhulu labaJuda lamaGriki.

Imisebenzi 14:21

Sebetshumayele ivangeli kulowomuzi, bezuzile abafundi abanengi, babuyela eListra, laseIkoniyuma, laseAntiyoki,

Imisebenzi 14:6

sebekwazi lokhu, babalekela eListra leDerbe, imizi yaseLikawoniya, lasemazweni akhona,

Imisebenzi 17:14

Ngakho abazalwane bamsusa masinyane uPawuli bamusa ngasolwandle; kodwa uSilasi loTimothi basala khona.

Imisebenzi 18:5

Kwathi sebefikile oSilasi loTimothi bevela eMakedoniya, uPawuli wakhuthalela ukutshumayela, efakaza kubaJuda ukuba uJesu unguKristu.

Imisebenzi 19:22

Esethumele eMakedoniya ababili kubasizi bakhe oTimothi loErastu, yena wahlala eAsiya isikhatshana.

AbaseRoma 16:21

UTimothi isisebenzi kanye lami uyalibingelela; loLukiyu loJasoni loSosipatro izihlobo zami, bayalibingelela.

1 AbaseKhorinte 16:10

Nxa uTimothi efika, kalibobona ukuthi uhlala lani engesabi lutho, ngoba usebenza umsebenzi weNkosi njengami.

1 AbaseKhorinte 4:17

Ngalokhoke ngithumele kini uTimothi ongumntanami othandekayo lothembekileyo eNkosini, ukuba alikhumbuze ngokuhamba kwami kuKristu, njengokuba ngifundisa ezindaweni zonke emabandleni wonke.

1 AbaseKhorinte 7:14

Ngoba indoda engakholwayo yenziwa ibe ngcwele ngomkayo, lomfazi ongakholwayo wenziwa abe ngcwele ngendoda yakhe. Uba kungenjalo, abantwana benu ngabe kabangcwele; kodwa khathesi bangcwele.

2 AbaseKhorinte 1:1

Mina Pawuli, umphostoli kaKristu Jesu ngentando kaNkulunkulu, loTimothi umzalwane, sithi kulo ibandla likaNkulunkulu eliseKorinte lakubo bonke abangcwele abakulo lonke elaseAkaya:

2 AbaseKhorinte 1:19

INdodana kaNkulunkulu uJesu Kristu esatshumayela ngaye phakathi kwenu, mina loSilivanu, loTimothi, wayengesuye uYebo loAtshi, kodwa kuye kunguYebo.

AbaseFiliphi 1:1

Thina oPawuli loTimothi, inceku zikaKristu Jesu, sithi kubo bonke abangcwele kuKristu Jesu abaseFiliphi, kanye lababonisi lezikhonzi:

AbaseFiliphi 2:19

Ngiyathemba eNkosini uJesu ukuthuma uTimothi kini masinyane, ukuze lami ngithokoziswe yikuzwa indaba zenu.

AbaseKholose 1:1

Mina Pawuli umphostoli kaKristu Jesu ngentando kaNkulunkulu, loTimothi umzalwane,

1 AbaseThesalonika 1:1

Thina oPawuli, loSilivanu, loTimothi, sithi kulo ibandla labaseTesalonika elikuNkulunkulu uBaba laseNkosini uJesu Kristu: Kakube kini umusa lokuthula.

1 AbaseThesalonika 3:2

sathuma uTimothi umzalwane wethu, lesikhonzi sikaNkulunkulu evangelini likaKristu, ukuba aliqinise ekukholweni kwenu lokuba alikhuthaze,

1 AbaseThesalonika 3:6

Kodwa khathesi uTimothi usefikile kithi evela kini, usibikela indaba ezinhle zokukholwa lothando lwenu, lokuthi lihlala lisikhumbula kuhle, lifisa ukusibona njengoba lathi sifisa ukulibona.

2 AbaseThesalonika 1:1

Thina oPawuli, loSilivanu, loTimothi, sithi kulo ibandla labaseTesalonika elikuNkulunkulu uBaba laseNkosini uJesu Kristu:

1 uTimothi 1:18

Lumlayo ngiwunika wena mntanami Timothi, njengamazwi abaprofethi abangitshengisa ngawe ngaphambili ukuze ngokukhuthazwa yiwo ulwe ukulwa okuhle,

1 uTimothi 1:2

ngithi kuTimothi umntanami weqiniso ekukholweni: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.

2 uTimothi 1:2

ngithi kuTimothi, umntanami othandekayo: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.

2 uTimothi 1:5

Ngikhunjuzwe ukukholwa kwakho okuqotho okwaba khona kuqala kunyokokhulu uLowisi lakunyoko uYunike; yebo, ngithemba kukhona lakuwe.

2 uTimothi 3:11

lokuzingelwa kwami, lezinhlupheko zami, lakho konke okwangehlela eAntiyoki, laseIkoniyuma, laseListra, lezinhlupheko zonke engazithwalayo; kodwa iNkosi yangophula kukho konke.

UFilimoni 1:1

UPawuli, isibotshwa sikaKristu Jesu, loTimothi umzalwane wethu sithi kuFilimoni, isisebenzi kanye lathi esithandekayo,

AmaHebheru 13:23

Yazini ukuthi umzalwane wethu uTimothi ukhululwe; uba efika masinyane ngizakulibona ngilaye.