Imisebenzi 13:16 - iBhayibhili Elingcwele 1978

¹⁶ Ngakho uPawuli wasukuma, eqhweba ngesandla sakhe, wathi: Madoda akoIsrayeli, lani elesaba uNkulunkulu, lalelani.

IBhayibhili Elingcwele LesiNdebele

¹⁶ UPhawuli wasukuma welekelela ngesandla wathi, “Madoda ako-Israyeli kanye lani abeZizwe elimesabayo uNkulunkulu, ngilalelani!

Imisebenzi 13:16 ပူးပေါင်းရင်းမြစ်များ

Imisebenzi 12:17

Wasebaqhweba ngesandla ukuba bathule, wabalandisela ukuba iNkosi imkhuphe kanjani entolongweni. Wasesithi: Bikelani uJakobe labazalwane. Wasuka waya kwenye indawo.

Imisebenzi 13:26

Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa.

Imisebenzi 10:2

wayeyindoda ekholwayo lemesabayo uNkulunkulu kanye lendlu yayo yonke, inika abaJuda abangabayanga iziphiwo ezinengi, ikhuleka futhifuthi kuNkulunkulu.

Isambulo 2:29

Olendlebe kezwe lokho akutshoyo uMoya emabandleni.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

Isambulo 2:11

Olendlebe kezwe lokho akutshoyo uMoya emabandleni. Onqobayo kasoze alinyazwa yikufa kwesibili.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Imisebenzi 22:22

Bamlalela kwaze kwafika kulelolizwi; basebephakamisa ilizwi labo, bathi: Msuseni umuntu onje emhlabeni! Ngoba kakufanele ukuba asile.

Imisebenzi 21:40

Esemvumele, uPawuli wema esikhwelweni, waqhweba abantu ngesandla; sekuthe cwaka, wakhuluma labo ngolimi lwamaHeberu, wathi:

Imisebenzi 19:33

Abathile phakathi kwexuku bachasisela uAleksandro indaba, yena owayeqhutshelwe phambili ngabaJuda; uAleksandro waqhweba ngesandla efuna ukuchasisa ebantwini.

Imisebenzi 13:46

Kwang’khona uPawuli loBarnabasi bekhuluma ngesibindi besithi: Kwakudingeka ukuthi ilizwi likaNkulunkulu litshunyayelwe kini kuqala; kodwa njengoba lilala, lizenza libe ngabangafanele ukuphila okungapheliyo, khangelani, sesisiya kwabezizwe.

Imisebenzi 10:35

kodwa ezizweni zonke omesabayo lowenza ukulunga uyamukeleka kuye.

Imisebenzi 3:12

Kwang’khona uPetro ebona lokho wathi ebantwini: Madoda akoIsrayeli, limangalelani ngalokhu na? Lisijolozelelani ngokungathi ngamandla ethu ingabe ngokukholwa kwethu simenze ukuba ahambe lumuntu na?

Imisebenzi 2:22

Madoda akoIsrayeli, zwanini amazwi ami. UJesu waseNazaretha, umuntu ofakazelwe nguNkulunkulu phambi kwenu ngemisebenzi yamandla langezimangaliso langezibonakaliso uNkulunkulu azenza ngaye phakathi kwenu, njengalokhu lisazi lina uqobo lwenu,

Imisebenzi 2:14

Kodwa uPetro wasesukuma labalitshumi lanye, waphakamisa ilizwi lakhe, wakhuluma wathi kibo: Madoda aseJudiya, lani lonke elihlala eJerusalema, yazini lokhu, lilalele amazwi ami.

ULukha 1:50

Isihawu sakhe sikuzo zonke izizukulwana zalabo abamesabayo.

UMatewu 11:15

Olendlebe zokuzwa akezwe.

AmaHubo 135:20

lawe ndlu kaLevi, bonga iNkosi. Lina eliyesabayo iNkosi, ibongeni iNkosi.

AmaHubo 85:9

Impela ukukhulula kwakhe kuseduze kulabo abamesabayo, ukuze kuhlale udumo elizweni lakithi.

AmaHubo 67:7

UNkulunkulu usibusisile, kabamesabe abantu endaweni zonke.

1 AmaKhosi 8:40

ukuba bakwesabe insuku zonke zokuphila kwabo elizweni owalinika okhokho bethu.

ULukha 23:40

Kodwa omunye wamkhuza, esithi: Wena kawumesabi uNkulunkulu, lokhu lawe ukulokhukulahlwa na?

ULukha 1:22

Kuthe esephuma, wehluleka ukukhuluma labo; bazi ukuba ubone umbono ethempelini. Wayelokhu ebaqhweba ngesandla, wahlala eyisimungulu.