Imisebenzi 11:1 - iBhayibhili Elingcwele 1978

¹ Abaphostoli labazalwane ababeseJudiya bezwa ukuthi abezizwe labo balamukele ilizwi likaNkulunkulu.

IBhayibhili Elingcwele LesiNdebele

¹ Abapostoli labazalwane kulolonke elaseJudiya bezwa ukuthi abeZizwe labo basebelamukele ilizwi likaNkulunkulu.

Imisebenzi 11:1 ပူးပေါင်းရင်းမြစ်များ

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

AmaHubo 22:27

Imikhawulo yonke yomhlaba izakukhumbula, iphendukele eNkosini; lezizukulwana zonke zezizwe zizakhonza phambi kwayo.

U-Isaya 11:10

Ngalolosuku impande kaJese izakuba luphawu ebantwini, idingwe yizizwe, lendawo yayo ibe lodumo.

U-Isaya 32:15

umoya uze uthelwe phezu kwethu uvela phezulu. Inkangala izakuba yindawo evundileyo, lendawo evundileyo ibe lihlathi.

U-Isaya 42:1

INkosi ithi: Khangela inceku yami engiyisekelayo, okhethiweyo wami, othokoza ngaye umphefumulo wami; ngibekile umoya wami phezu kwakhe, ukuze alethele izizwe ukulunga.

U-Isaya 42:6

uthi: Mina Nkosi, ngikubizile ngokulunga, ngakubamba ngesandla, ngakulondoloza. Ngawe ngenza isivumelwano labantu bonke, ngakubeka ube yikukhanya ezizweni,

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

U-Isaya 52:10

INkosi iwavezile amandla ayo angcwele phambi kwazo zonke izizwe, umhlaba wonke uzakubona ukukhulula kukaNkulunkulu wethu.

U-Isaya 60:3

Izizwe zizakuza ekukhanyeni kwakho, lamakhosi eze ekuveleni kokukhanya kwakho.

U-Isaya 62:2

Izizwe zizabona ukulunga kwakho, lamakhosi wonke abone inkazimulo yakho; uzakubizwa ngebizo elitsha ezakukutha lona iNkosi.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UHosiya 2:23

Ngizakumhlanyela uIsrayeli elizweni abe yisivuno sami. Ngizamhawukela uLo‐Ruhama, ngithi kuLo‐Ami: Lina lingabantu bami; yena athi: Wena unguNkulunkulu wethu.

UMikha 5:7

Abaseleyo bakoJakobe bephakathi kwabantu abanengi bazakuba njengamazolo avela eNkosini lanjengomkhizo phezu kotshani, okungalindeli muntu, okungahlaleli muntu.

UZefaniya 2:11

INkosi izakwenza okwesabekayo kibo; ngoba izabaqeda bonke onkulunkulu bomhlaba, akhuleke kuyo wonke amazwe ezizwe, wonke umuntuesendaweni yakibo.

UZefaniya 3:9

Ngalesosikhathi ngizakunika abantu ukukhuluma okuhlambulukileyo, ukuba bonke bakhuleke ebizweni lami, bangikhonze nganhliziyonye.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UMatewu 2:1

Kwathi uJesu esezelwe eBetlehema elaseJudiya ensukwini zikaHerodi inkosi, kwafika izazi eJerusalema zivela kwelasempumalanga,

UMatewu 8:11

Ngithi kini: Abanengi bazakuza bevela empumalanga lasentshonalanga, bahlale ekudleni loAbrahama loIsaka loJakobe embusweni wezulu.

UMakho 16:5

Kuthe bengena elibeni, babona insizwa yembethe ingubo emhlophe, ihlezi ngakwesokunene; bamangala kakhulu.

ULukha 2:32

ukukhanya kokwambulela abezizwe lenkazimulo yesizwe sakho uIsrayeli.

Imisebenzi 1:15

Ngalezonsuku uPetro wasukuma phakathi kwabazalwane, ixuku labantu ababekhona lalingaba likhulu lamatshumi amabili, wathi:

Imisebenzi 11:29

Abafundi bazimisela ukuba ilowo lalowo wabo athumele njengamandla akhe okokusiza abazalwane abahlala eJudiya.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Imisebenzi 15:3

Ngakhoke kwathi sebevalelisiwe libandla badabula iFenekiya leSamariya, belandisa ngokuphenduka kwabezizwe, benzela abazalwane ukuthokoza okukhulu.

Imisebenzi 28:15

Abazalwane sebezwile ngathi basuka khona, beza ukusihlangabeza baze bafika eApiyi Foruma laseTresi Taberne; uPawuli ebabona wabonga uNkulunkulu wema isibindi.