Imisebenzi 10:9 - iBhayibhili Elingcwele 1978

⁹ Kusasa besahamba sebesondela emzini, uPetro wenyukela phezu kwendlu ukuyakhuleka; kwakusemini.

IBhayibhili Elingcwele LesiNdebele

⁹ Sekungaba phakathi laphakathi kwemini sebebanga edolobheni, uPhethro wakhwela ophahleni ukuyakhuleka.

Imisebenzi 10:9 ပူးပေါင်းရင်းမြစ်များ

2 USamuyeli 11:2

Kwathi ngolunye usuku kusihlwa uDavida wavuka embhedeni wakhe, wahambahamba phezu kophahla lwendlu yenkosi, wabona esophahleni owesifazana egeza; wayemuhle kakhulu, ebukeka.

AmaHubo 55:17

Kusihlwa lasekuseni lasemini ngiyakhala ngibubule, izakulizwa ilizwi lami;

UJeremiya 19:13

Izindlu zaseJerusalema lezamakhosi akoJuda, zonke izindlu okwatshiselwa phezu kwazo impepha kuzo zonke inkanyezi, okwachithelwa kuzo leminikelo yokuthululwa kwabanye onkulunkulu, zizangcoliswa njengendawo yaseTofethi.

UJeremiya 32:29

AmaKaladiya ahlasela lumuzi azafika, awuthungele ngomlilo, awutshise kanye lezindlu obekunikelelwa phezu kwazo impepha kuBali, lobekuthululelwa phezu kwazo iminikelo yokuthululwa kwabanye onkulunkulu ukungicunula.

UDanyeli 6:10

Lapho uDaniyeli asesazi ukuthi inkosi isigwalile encwadini, wangena endlini yakhe; amawindi endlu yakhe ephezulu ayekhangele iJerusalema. Waguqa kathathu ngosuku ekhuleka edumisa uNkulunkulu wakhe njengokwenza kwakhe insuku zonke.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

UMatewu 20:5

Bahambake. Wabuya waphuma emini langeawa yesithathu ntambama, wenza njalo.

UMatewu 24:17

ophezu kwendlu angehli ukuthatha izinto ezisendlini yakhe;

UMatewu 27:45

Kusukela emini kwaba mnyama emhlabeni wonke kwaze kwaba yiawa yesithathu ntambana.

UMatewu 6:6

Kodwa wena, nxa ukhuleka, ngena endlini yakho, uvale umnyango wakho, ukhuleke kuYihlo osensitha; loYihlo obonayo ensitha uzakukuvuza.

UMakho 1:35

Ekuseni kusesemnyama kakhulu, wavuka waphuma, waya endaweni eyinkangala, wakhuleka khona.

UMakho 6:46

Esebavalelisile wasuka waya entabeni ukuyakhuleka.

Imisebenzi 10:3

Kwathi ngesikhathi semini yantambama, yabona embonweni isithunywa sikaNkulunkulu singena kuyo sisithi: Korneliya!

Imisebenzi 6:4

Kodwa thina sizakhuthala ekukhulekeni lenkonzweni yelizwi.

Abase-Efesu 6:18

Khulekani izikhathi zonke ngoMoya ngokucela konke langokunxusa. Kulokhu lilinde ngesineke sonke, linxusele abangcwele bonke.

1 uTimothi 2:8

Ngakho ngithanda ukuba amadoda akhuleke endaweni zonke, ephakamisa izandla ezingcwele, engalalaka lokuxabana.

1 USamuyeli 9:25

Sebedlile endaweni ephakemeyo yokukhonzela bangena emzini, bamendlalela uSawuli phezulu ophahleni, walala khona.