Imisebenzi 10:4 - iBhayibhili Elingcwele 1978

⁴ Wasijolozela esesaba, wathi: Kuyini, Nkosi? Sathi kuye: Imikhuleko yakho leziphiwo zakho kufinyelele kuNkulunkulu kwaba yisikhumbuzo phambi kwakhe.

IBhayibhili Elingcwele LesiNdebele

⁴ UKhoneliyasi wayiqhuzulela amehlo ngokwesaba. Wabuza wathi, “Kuyini, Nkosi?” Ingilosi yaphendula yathi, “Imikhuleko yakho lezipho zakho kwabaswelayo sekufinyelele kuNkulunkulu kwaba yisikhumbuzo.

Imisebenzi 10:4 ပူးပေါင်းရင်းမြစ်များ

2 ImiLando 32:24

Ngalezonsuku uHezekiya wagula, waphos’ukufa; wakhuleka eNkosini eyamphendulayo, yamnika isibonakaliso.

2 ImiLando 6:33

akuzwe wena usezulwini, endaweni yakho yokuhlala, umenzele konke akucelayo, ukuze abantu bonke emhlabeni bazi ibizo lakho, bakwesabe, njengabantu bakho bakoIsrayeli, ukuba bazi ukuthi lindlu engiyakhileyo iyindawo lapho ibizo lakho lidunyiselwa khona.

AmaHubo 141:2

Umkhuleko wami kawube njengempepha phambi kwakho, lokuphakanyiswa kwezandla zami kube njengomnikelo wakusihlwa.

AmaHubo 20:3

Kayikhumbule yonke iminikelo yakho, ithokoziswe ngumnikelo wakho wokutshiswa.

U-Isaya 43:26

Ake ungimangalele, asiphikisane; landisa indaba yakho ukuze kuthiwe uqondile.

U-Isaya 45:19

Kangikhulumelanga ekusithekeni elizweni lomnyama, kangitshongo kuyo inzalo kaJakobe ukuthi: Ngidingani ezeni. Mina Nkosi ngikhuluma iqiniso, ngitsho okuqotho.

UDanyeli 10:11

Wathi kimi: Daniyeli, wena muntu othandekayo kakhulu, zwana lamazwi engiwakhuluma kuwe; sukuma ume, ngoba sengithunywe kuwe. Kwathi ekhuluma lelilizwi kimi, ngasukuma ngithuthumela.

ULevi 2:2

awulethe kumadodana kaAroni angabapristi, acuphe kuwo impuphu ecolekileyo lamafutha, kanye lenhlaka yawo yonke; umpristi akutshise lokhu ealtareni kube yisikhumbuzo, umnikelo owenziwe ngomlilo, olephunga elimnandi eNkosini.

UMalaki 3:16

Basebekhulumisana labo abayesabayo iNkosi; iNkosi yabalalela, yabezwa. Incwadi yesikhumbuzo yalotshwa phambi kwayo ngabo abayesabayo iNkosi, labahlonipha ibizo layo.

UMatewu 26:13

Ngiqinisile ngithi kini: Loba ngaphi emhlabeni wonke lapho okuzatshunyayelwa khona ivangeli, lokho akwenzileyo kuzakukhulunywa ngakho, kube yisikhumbuzo ngaye.

ULukha 1:29

Kodwa yena wethuswa yilelolizwi, wanakana enhliziyweni yakhe ukuthi kambe kungaba yini lokhukubingelela.

ULukha 24:5

Besaba, bakhangela phansi; amadoda athi kubo: Lifunelani ophilayo kwabafileyo na?

Imisebenzi 10:31

yathi kimi: Korneliya, ukukhuleka kwakho kuzwakele, lokupha kwakho iziphiwo kukhunjulwe phambi kukaNkulunkulu.

Imisebenzi 14:9

Yona yamuzwa uPawuli ekhuluma. UPawuli eyijolozela wabona ukuba ilokukholwa kokuba isiliswe,

Imisebenzi 22:10

Ngathi: Ngenzeni, Nkosi, na? INkosi yathi kimi: Sukuma, uye eDamaseko, uzakutshelwa khona konke okumiselwe ukuba ukwenze.

Imisebenzi 3:4

UPetro wayijolozela eloJohane, wathi: Sikhangele!

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

AbaseFiliphi 4:6

Lingakhathazeki ngalutho, kodwa kukho konke izicelo zenu kazaziwe nguNkulunkulu ngokukhuleka langokunxusa kanye langokubonga.

AmaHebheru 13:16

lingakhohlwa ukwenza okuhle lokuphana; ngoba iminikelo enjalo iyamthokozisa uNkulunkulu.

AmaHebheru 6:10

Ngoba uNkulunkulu kasuye ongalunganga ukuba akhohlwe umsebenzi wenu lothando elalubonakalisa ngenxa yakhe ngokusebenzela abangcwele, njengoba lisakwenza.

Isambulo 8:4

Intuthu yempepha yathunqa esandleni sesithunywa, yahlangana lemikhuleko yabangcwele, yenyukela phambi kukaNkulunkulu.

1 USamuyeli 3:10

INkosi yafika, yema, yamemeza njengakwezinye izikhathi, yathi: Samuweli, Samuweli! Yena wathi: Khuluma, ngoba inceku yakho iyezwa.