Imisebenzi 1:3 - iBhayibhili Elingcwele 1978

³ Wazibonakalisa kubo ephilile, emva kokuhlupheka kwakhe, ngobufakazi obunengi, wabonwa yibo insuku ezingamatshumi amane ekhuluma ngombuso kaNkulunkulu.

IBhayibhili Elingcwele LesiNdebele

³ Ngemva kokuhlupheka kwakhe, waziveza kubo, wabapha iziqiniseko ezinengi njengobufakazi bokuthi wayephila. Wabonakala kubo okwensuku ezingamatshumi amane, ekhuluma ngombuso kaNkulunkulu.

Imisebenzi 1:3 ပူးပေါင်းရင်းမြစ်များ

1 AmaKhosi 19:8

Wavuka wadla wanatha, wahamba ngamandla alokho ukudla insuku ezingamatshumi amane lobusuku obungamatshumi amane, waze wafika eHorebe intaba kaNkulunkulu.

UMatewu 21:43

Ngakhoke ngithi kini: Lizakwamukwa umbuso kaNkulunkulu, unikwe isizwe esizakuthela izithelo zawo. [

UMatewu 28:9

Khangela, uJesu wabahlangabeza, wathi: Okuhle! Basondela babamba inyawo zakhe, bamkhonza.

UMatewu 3:2

esithi: Phendukani, ngoba umbuso wezulu ususondele!

UMatewu 4:2

Esezilile ukudla insuku ezingamatshumi amane lobusuku obungamatshumi amane, ekucineni walamba.

UMakho 16:19

Kwathi iNkosi uJesu isikhulumile labo yakhutshulelwa ezulwini, yahlala ngakwesokunene sikaNkulunkulu.

UJohane 20:26

Emva kwensuku ezificaminwembili abafundi bakhe babesendlini futhi, loTomasi elabo. UJesu wafika iminyango ivaliwe, wema phakathi kwabo, wathi: Ukuthula akube kini.

UJohane 21:1

Emva kwalokhu uJesu wazibonakalisa kubafundi bakhe futhi ngasolwandle lwaseTiberiyasi; wazibonakalisa ngalindlela.

UJohane 21:14

Lokhu sekungokwesithathu uJesu ezibonakalisa kubafundi, esevukile kwabafileyo.

Imisebenzi 13:31

Wabonwa insuku ezinengi yilabo ababekhuphuke laye eGalili ukuya eJerusalema, asebengofakazi bakhe ebantwini.

Imisebenzi 19:8

Wangena esinagogeni, wakhuluma ngesibindi inyanga ezintathu, etshumayela efundisa ngombuso kaNkulunkulu.

Imisebenzi 28:23

Kwathi sebemmisele usuku beza kuye endlini yakhe bebanengi, wabachasisela indaba kusukela ekuseni kwaze kwaba kusihlwa, wafakaza ngombuso kaNkulunkulu ezama ukubaphendula ngoJesu, ethathela emlayweni kaMose labaprofethi.

Imisebenzi 28:31

watshumayela umbuso kaNkulunkulu, wafundisa ngeNkosi uJesu Kristu obala, engavinjelwa muntu.

Imisebenzi 8:12

Kodwa kwathi ukuba bakholwe uFiliphu etshumayela ivangeli ngombuso kaNkulunkulu langebizo likaJesu Kristu, babhaphathizwa abesilisa labesifazana.

AbaseRoma 14:17

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele.

UDutheronomi 9:18

Ngaziwisela phansi phambi kweNkosi njengakuqala, insuku ezingamatshumi amane lobusuku obungamatshumi amane, ngingadli kudla, nginathi manzi ngenxa yaso sonke isono senu elisenzileyo, lenza okubi emehlweni eNkosi, layithukuthelisa.

UDutheronomi 9:9

Sengikhwele entabeni ukwamukela amatshe esivumelwano iNkosi eyasenza lani, ngahlala entabeni insuku ezingamatshumi amane lobusuku obungamatshumi amane, ngingadli kudla, nginganathi manzi.

AbaseKholose 1:13

Wasikhulula emandleni omnyama, wasisa embusweni weNdodana yakhe ethandekayo,

1 AbaseThesalonika 2:12

sililaya, silimisa isibindi, silitshela ukuba lihambe ngokufaneleyo phambi kukaNkulunkulu olibizela embusweni lebukhosini bakhe.

1 UJohane 1:1

Lokho okwakukhona kusukela ekuqaleni, esakuzwayo, sakubona ngamehlo ethu, lesakukhangelayo, lezandla zethu zakuphatha, kumayelana lelizwi lokuphila.