Imisebenzi 1:14 - iBhayibhili Elingcwele 1978

¹⁴ Bonke laba bakhuthalela ukukhuleka nganhliziyonye kanye labesifazana, loMariya unina kaJesu, labafowabo.

IBhayibhili Elingcwele LesiNdebele

¹⁴ Bonke laba bahlangana kokuphela bekhuleka, bendawonye labesifazane loMariya unina kaJesu kanye labafowabo bakaJesu.

Imisebenzi 1:14 ပူးပေါင်းရင်းမြစ်များ

UMatewu 12:46

Kwathi esakhuluma emaxukwini, unina labafowabo bema ngaphandle befuna ukukhuluma laye.

UMatewu 21:22

Ngakho konke elikucela ngokukhuleka, likholwa, lizakukwamukeliswa.

UMatewu 27:55

Kwakukhona lapho abesifazana abanengi bebukela, bekhatshana, ababemlandele uJesu bevela eGalili, bemsebenzela;

UMakho 15:40

Kwakukhona labesifazana bebukela, bekhatshana; phakathi kwabo kukhona uMariya Magadalena, loMariya unina kaJakobe omncinyane lokaJose, loSalome,

UMakho 16:1

Kwathi iSabatha selidlulile, uMariya Magadalena, loMariya unina kaJakobe, loSalome bathenga amakha ukuba bamgcobe.

ULukha 11:13

Ngakhoke uba lina elingababi likwazi ukubapha abantwana benu iziphiwo ezinhle, kakhulu kangakanani uYihlo osezulwini uzakubapha abacela kuye uMoya oNgcwele.

ULukha 18:1

Wabatshela umfanekiso wokuthi bafanele ukukhuleka, bengadinwa.

ULukha 23:49

Bonke abazana laye labesifazana ababemlandela bevela eGalili bema khatshana, bebona lezizinto.

ULukha 23:55

Abesifazana ababeze laye bevela eGalili balandela, balibona iliba lokubekwa kwesidumbu sakhe.

ULukha 24:10

KwakunguMariya Magadalena, loJowana, loMariya unina kaJakobe; labanye ababekanye labo babatshela abaphostoli lokhu.

ULukha 24:33

Basebesuka ngasona lesosikhathi, babuyela eJerusalema; bafumana abalitshumi lanye lababelabo bebuthene ndawonye,

ULukha 24:53

Babekhona ethempelini njalo bemdumisa uNkulunkulu.

ULukha 8:20

Wabikelwa ukuthi: Unyoko labafowenu bemi ngaphandle bafuna ukukubona.

Imisebenzi 2:1

Kwathi selufikile usuku lwePentekoste, babebuthene ndawonye bonke.

Imisebenzi 2:42

Bakhuthalela ukufundisa kwabaphostoli, lokuhlangana lokuhlephula isinkwa, lokukhuleka.

Imisebenzi 2:46

Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

Imisebenzi 6:4

Kodwa thina sizakhuthala ekukhulekeni lenkonzweni yelizwi.

AbaseRoma 12:12

Thokozani ethembeni; libekezele ekuhluphekeni; liphikelele ekukhulekeni.

1 AbaseKhorinte 14:13

Ngakhoke okhulumayo ngendimi kakhulekele ukuba abe lamandla okuchasisa.

Abase-Efesu 6:18

Khulekani izikhathi zonke ngoMoya ngokucela konke langokunxusa. Kulokhu lilinde ngesineke sonke, linxusele abangcwele bonke.

AbaseKholose 4:2

Khuthalani ekukhulekeni, lilinde kukho, libonge.