AmaHubo 97:3 - iBhayibhili Elingcwele 1978

³ Umlilo uyavutha phambi kwayo, utshise izitha zayo inxa zonke.

IBhayibhili Elingcwele LesiNdebele

³ Umlilo uhamba phambi Kwakhe uzihangule izitha zakhe inxa zonke.

AmaHubo 97:3 ပူးပေါင်းရင်းမြစ်များ

AmaHubo 18:8

Kwaphuma intuthu emakhaleni akhe, lomlilo otshisayo emlonyeni wakhe; amalahle avuthayo aphuma kuye.

AmaHubo 18:9

Wadabula amazulu, wehlela phansi, umnyama omkhulu wawungaphansi kwenyawo zakhe.

AmaHubo 50:3

UNkulunkulu wethu uyeza, kayikuthula, phambi kwakhe kulomlilo oqothulayo, emaceleni akhe kulesiphepho esikhulu.

UHezekhiyeli 1:4

Kwathi lapho ngikhangela, ngabona umoya wesivunguzane ovela enyakatho, leyezi elikhulu elicwazimulayo, lomlilo ovuthayo njalonjalo, phakathi komlilo kwakukhona okungathi lithusi elikhazimulayo.

UDanyeli 7:10

Kwavela umkhonjwana womlilo, waphumela ngaphambi kwakhe. Inkulungwane zezinkulungwane zamkhonza, lezinkulungwane ezilitshumi zezinkulungwane ezilitshumi zema phambi kwakhe. Kwaba lokwahlulela, lezincwadi zavulwa.

UHabhakhukhi 3:5

Isifo sahamba phambi kwakhe, lomkhuhlane walandela eduze.

UMalaki 4:1

Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

UDutheronomi 32:22

Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.

UDutheronomi 4:11

Laselisondela, lema ngaphansi kwentaba eyayivutha umlilo waze wafika phezulu, ilomnyama omkhulu lamayezi amnyama.

UDutheronomi 4:36

Isezulwini yalivumela ukuzwa ilizwi layo, ukuba ilifundise; emhlabeni yalivumela ukubona umlilo wayo omkhulu, lezwa amazwi ayo evela emlilweni.

UDutheronomi 5:4

INkosi yakhuluma lani ikhangelene lani entabeni, isemlilweni;

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

AmaHebheru 12:29

ngoba uNkulunkulu wethu ungumlilo oqothulayo.

Isambulo 11:5

Uba kukhona ofuna ukubalimaza laba, kuphuma umlilo emilonyeni yabo, uqothule izitha zabo; uzakufa ngokunjalo ofisa ukubalimaza.

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.