AmaHubo 97:10 - iBhayibhili Elingcwele 1978

¹⁰ INkosi iyabathanda labo abazonda okubi; iyagcina ukuphila kwabangcwele bayo, ibakhulule esandleni somubi.

IBhayibhili Elingcwele LesiNdebele

¹⁰ Akuthi bonke abamthandayo, uThixo, bazonde okubi, ngoba uyazilinda impilo zabathembekileyo bakhe abakhulule esandleni sababi.

AmaHubo 97:10 ပူးပေါင်းရင်းမြစ်များ

AmaHubo 101:3

Kangiyikubeka phambi kwamehlo ami into embi. Ngiyakuzonda ukwenza kwabaphambukayo; kangiyikukuvuma.

AmaHubo 119:104

Ngayo imithetho yakho ngiyazuza ukuqedisisa; ngakho ngiyazonda zonke indlela zamanga.

AmaHubo 119:163

Amanga ngiyawazonda ngiyawenyanya, kodwa umlayo wakho ngiyawuthanda.

AmaHubo 121:7

INkosi izakukulondoloza kukho konke okubi, izakulondoloza ukuphila kwakho.

AmaHubo 125:3

Ngoba ukubusa kwababi kakuyikuba khona elizweni elinikwe abalungileyo, funa abalungileyo belulele izandla zabo kokubi.

AmaHubo 145:20

Inkosi iyabalondoloza bonke abayithandayo; kodwa ababi izakubabhubhisa.

AmaHubo 31:23

Ithandeni iNkosi lina lonke abalungileyo. INkosi iyabalondoloza abathembekileyo, kanti iyamphindisela kakhulu ozigqajayo.

AmaHubo 34:14

Suka kukho okubi, wenze okuhle, dinga ukuthula, ukunxwanele.

AmaHubo 36:4

ukhumbula okubi ekulaleni kwakhe, azimise endleleni engalunganga, kakuzondi okubi.

AmaHubo 91:14

Ngenxa yokuba ungithanda, ngizakumkhulula; ngizakumvikela, ngoba uyalazi ibizo lami.

Izaga 2:8

iyalinda indlela zokulunga, ilondoloze ukuhamba kwabathembekileyo bayo.

Izaga 3:7

Ungacabangi ukuthi uhlakaniphile, kodwa yesabe iNkosi, utshiye ububi.

Izaga 8:13

— Ukwesaba iNkosi kuyikuzonda ububi — Ngiyakuzonda ukuzigqaja lokuziqakisa, lezindlela ezimbi, lokukhuluma okukhohlisayo.

U-Isaya 45:17

Kodwa uIsrayeli uzakhululwa yiNkosi ngokukhululwa okungapheliyo; kaliyikuyangeka, libe lenhloni, kuze kube nininini.

UJeremiya 15:21

Ngizakukukhulula esandleni sababi, ngikophule ezandleni zabalesihluku.

UDanyeli 3:28

UNebukadineza wasesithi: Kabongwe uNkulunkulu waboShadraki loMeshaki loAbedinego othumele isithunywa sakhe ukukhulula inceku zakhe ezimthembileyo, zaze zadelela umlayo wenkosi, zanikela imizimba yazo kulokuba zikhonze omunye unkulunkulu endaweni kaNkulunkulu wazo.

UDanyeli 6:22

UNkulunkulu wami uthumile isithunywa sakhe, savala imilomo yezilwane, kazingilimazanga, ngoba ngifunyaniswe ngingelacala phambi kwakhe; laphambi kwakho, nkosi, kangonanga lutho.

UDanyeli 6:27

Uyakhulula, ophule, enze izibonakaliso lezimangaliso ezulwini lasemhlabeni, yena umkhulule uDaniyeli emandleni ezilwane.

uAmosi 5:14

Dingani okuhle, atshi okubi, ukuba liphile, ukuze ibe lani iNkosi uNkulunkulu wamabandla njengokutsho kwenu.

uAmosi 5:15

Zondani okubi lithande okuhle, lenze okufaneleyo enkundleni; mhlawumbe iNkosi uNkulunkulu wamabandla ingaba lomusa kwabaseleyo koJosefa.

AbaseRoma 12:9

Uthando lwenu kalube qotho. Zondani okubi, libambelele kokulungileyo.

AbaseRoma 7:15

Ngitsho lezenzo zami kangiziqondi, ngoba lokho engikwenzayo, kakusikho lokho engikuthandayo; kodwa lokho engikuzondayo yikho engikwenzayo.

AbaseRoma 7:24

Hawu, mina muntu ososizini! Ngubani ozakungikhulula kulumzimba wokufa na?

1 AbaseKhorinte 8:3

kodwa uba umuntu ethanda uNkulunkulu, yena uyaziwa nguye.

2 AbaseThesalonika 3:2

lokuba sikhululwe ebantwini abaduhileyo lababi; ngoba kayisibo bonke abakholwayo.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 1:5

lina elilondolozwe ngamandla kaNkulunkulu ngokukholwa ukuba libe lokusiliswa okulungiselwe ukwambulwa ngesikhathi sokucina.

1 UPhethro 1:8

Yena liyamthanda lingambonanga, elithi lakhathesi lingamboni likholwe kuye, lithokoze ngentokozo enkulu engakhulumekiyo,

1 UJohane 4:19

Thina siyathanda ngoba yena wasithanda kuqala.

1 UJohane 5:18

Siyazi ukuthi lowo ozelwe nguNkulunkulu koni; ngoba iNdodana kaNkulunkulu iyamgcina, loSathane kamthinti.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.