AmaHubo 94:2 - iBhayibhili Elingcwele 1978

² Phakama, Mahluleli womhlaba, uphindisele kwabazigqajayo.

IBhayibhili Elingcwele LesiNdebele

² Phakama, awu Mahluli womhlaba; baphindisele abazigqajayo ngokubafaneleyo.

AmaHubo 94:2 ပူးပေါင်းရင်းမြစ်များ

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

2 ImiLando 20:12

Nkulunkulu wethu, wena kawuyikubahlulela na? Ngoba thina kasilawo amandla ukulwa lalimpi enkulu kangaka ezekusihlasela; kasikwazi esingakwenza, kodwa sikhangele kuwe.

AmaHubo 31:23

Ithandeni iNkosi lina lonke abalungileyo. INkosi iyabalondoloza abathembekileyo, kanti iyamphindisela kakhulu ozigqajayo.

AmaHubo 50:6

Amazulu ayatshumayela ukulunga kwakhe, ngoba uNkulunkulu ngokwakhe ungumahluleli.

AmaHubo 68:1

UNkulunkulu kavuke, zihlakazeke izitha zakhe, abamzondayo babaleke phambi kwakhe.

AmaHubo 7:6

Vuka, Nkosi, ngolaka lwakho, uvuke ngenxa yentukuthelo yezitha zami. Vuka, Nkulunkulu wami, wena umisile ukwahlulelwa.

AmaHubo 74:22

Vuka, Nkulunkulu! uyimele indaba yakho, ukhumbule ukuthi ababi bayakuklolodela insuku zonke.

AmaHubo 82:8

Vuka, Nkulunkulu! wahlulele umhlaba; ngoba wena izizwe zonke zingezakho.

U-Isaya 10:12

Kuzakuthi lapho iNkosi isiqedile wonke umsebenzi wayo entabeni yaseZiyone laseJerusalema, itshaye inkosi yaseAsiriya ngenxa yokuzikhukhumeza lokuzigqaja kwayo.

U-Isaya 2:17

Ukuziphakamisa kwabantu kuzakwehliselwa phansi, lokuzikhukhumeza kwabantu kuzathotshiswa, kuphakame iNkosi kuphela ngalolusuku.

U-Isaya 37:23

Ngubani omklolodeleyo wamthuka na? Uphakamisele bani ilizwi lakho na? Ukhangele bani ngokuzikhukhumeza na? NgoNgcwele kaIsrayeli.

U-Isaya 37:29

Ngoba ungithukuthelele, lokuziqakisa kwakho kufikile endlebeni zami, ngizakukufaka umkhala emakhaleni akho, lamatomu emlonyeni wakho, ngikubuyisele ngendlela oweza ngayo.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UMikha 5:9

Isandla sakho, Israyeli, sizaphakanyiswa phezu kwezitha zakho, zichithwe zonke izitha zakho.

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.

1 UPhethro 5:5

Ngokunjalo lani abatsha, zehliseleni ngaphansi kwabadala bebandla; yambathani lonke ukuthobeka, lithobelane, ngoba uNkulunkulu umelana labazigqajayo, kodwa abazithobileyo uyabapha umusa.