AmaHubo 9:19 - iBhayibhili Elingcwele 1978

¹⁹ Vuka, Nkosi, ungavumi ukuba umuntu anqobe; izizwe kazahlulelwe phambi kwakho.

IBhayibhili Elingcwele LesiNdebele

¹⁹ Vuka Thixo, ungayekeli umuntu anqobe; akuthi izizwe zahlulelwe phambi kwakho.

AmaHubo 9:19 ပူးပေါင်းရင်းမြစ်များ

UGenesisi 32:28

Wathi: Ibizo lakho kalisayikuthiwa nguJakobe, kodwa nguIsrayeli, ngoba ulwile loNkulunkulu labantu, wanqoba.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

AmaHubo 10:12

Vuka, Nkosi! Nkulunkulu, phakamisa isandla sakho, ungabakhohlwa abahluphekayo.

AmaHubo 149:7

ukuba benze impindiselo phezu kwezizwe, lokujezisa izizwe,

AmaHubo 3:7

Vuka, Nkosi! Ngikhulula, Nkulunkulu wami. Ngoba zonke izitha zami uzimukule ezihlathini, waphule amazinyo ababi.

AmaHubo 44:23

Vuka, Nkosi! Ulaleleni na? Vuka! Ungasilahli kokuphela.

AmaHubo 44:26

Vuka, uzesisiza usikhulule ngenxa yothando lwakho olungapheliyo.

AmaHubo 7:6

Vuka, Nkosi, ngolaka lwakho, uvuke ngenxa yentukuthelo yezitha zami. Vuka, Nkulunkulu wami, wena umisile ukwahlulelwa.

AmaHubo 79:6

Yehlisela ulaka lwakho phezu kwabezizwe abangakwaziyo, laphezu kwemibuso engakhuleki ebizweni lakho.

AmaHubo 80:2

phambi kukaEfrayimi loBenjamini loManase, vusa amandla akho uze usisize.

U-Isaya 51:9

Vuka, Nkosi, vuka usebenzise amandla akho njengasezinsukwini zendulo. Kawumqumanga kabili uRahabi, wagwaza lumgobho na?

UJeremiya 10:25

Yehlisela ulaka lwakho phezu kwezizwe ezingakwaziyo, laphezu kwabantu abangakhuleki ebizweni lakho; ngoba bamdlile uJakobe, bamdlile bamqeda, bawuchitha umuzi wakhe.

UJoweli 3:12

Kazizivuse izizwe, zizwe esihotsheni sikaJehoshafati; ngoba kulapho ngizahlala khona ukuthonisisa zonke izizwe ezizingelezeleyo.

UMikha 5:15

ngiphindisele ngokuthukuthela langolaka ezizweni ezingalalelanga,

UZefaniya 3:8

Ngakhoke ngilindela, itsho iNkosi, kuze kube lusuku engizakuvuka ngalo ngithonisise izizwe. Ngoba isiqumo sami siyikubuthelela izizwe, ngiqoqe imibuso, ngithululele phezu kwayo intukuthelo yami, konke ukuvutha kolaka lwami; ngoba ngomlilo wolaka lwami lomona wami wonke umhlaba uzakutshiswa.

UZakhariya 14:18

Uba isizwe saseGibithe singayi eJerusalema ukukhonza, sizakwehlelwa yisifo leso iNkosi ezakusehlisela izizwe ezingayi emzini ukugcina umkhosi wamadumba.

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.

1 USamuyeli 2:9

Iyavikela ukuhamba kwabathembekileyo bayo, kodwa ababi bayatshona emnyameni bathuliswe; ngoba umuntu kayikwahlula ngamandla.