AmaHubo 9:17 - iBhayibhili Elingcwele 1978

¹⁷ Ababi bazakuya endaweni yabafileyo, zonke izizwe ezimkhohlwayo uNkulunkulu.

IBhayibhili Elingcwele LesiNdebele

¹⁷ Ababi babuyela engcwabeni, zonke izizwe ezikhohlwa uNkulunkulu.

AmaHubo 9:17 ပူးပေါင်းရင်းမြစ်များ

UJobe 5:13

Yena ubamba abahlakaniphileyo ebuqilini babo, lamacebo abalobuqili achithwe masinyane.

UJobe 8:13

Injaloke indlela yabo bonke abamkhohlwayo uNkulunkulu, ithemba longamesabiyo uNkulunkulu lizaphela.

AmaHubo 106:13

Kodwa baphanga bakhohlwa imisebenzi yakhe, kabalindelanga iseluleko sakhe.

AmaHubo 44:17

Konke lokhu kwehlela phezu kwethu, lanxa singakukhohlwanga wena, singasaphulanga isivumelwano sakho.

AmaHubo 44:20

Uba besilikhohliwe ibizo likaNkulunkulu wethu, loba sakhonza unkulunkulu wezizweni,

AmaHubo 49:14

bamiselwe indawo yabafileyo njengezimvu, ukufa kuzabelusa; abaqotho bazababusa kusasa, imizimba yabo iphelele endaweni yabafileyo ezakuba likhaya labo.

AmaHubo 50:22

Kuqaphele lokhu, wena okhohlwa uNkulunkulu, funa ngikudabule, kungabi khona okukhululayo.

Izaga 14:32

Omubi uchithwa yibubi bakhe, olungileyo uvikelwa yibuqotho bakhe.

Izaga 5:22

Omubi uyathiywa ngezakhe izenzo ezimbi, abanjwe yizono zakhe.

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

U-Isaya 5:14

Ngakhoke indawo yabafileyo inabulule umphimbo wayo, yavula umlomo wayo waba banzi ukuginya izikhulu eziseJerusalema, labantu balo abaxokozelayo ngokuthaba.

UJeremiya 13:25

Lokhu yikho ukuphela kwakho, lesabelo engikukhethele sona, kutsho iNkosi; ngoba ungikhohliwe, wathemba onkulunkulu bamanga.

UJeremiya 18:15

Kodwa abantu bami bangikhohliwe, batshisela onkulunkulu bamanga impepha; bakhubeka endleleni zabo, emigwaqweni yasendulo, baphambukela ezindledlaneni, kabahambanga ngemigwaqo;

UJeremiya 2:32

Intombi ingazikhohlwa yini iziceco zayo lomlobokazi izambatho zakhe na? Kanti abantu bami bangikhohliwe insuku ezingelakubalwa.

UJeremiya 3:21

Ilizwi liyezwakala emadundulwini angelalutho, elokukhala lokukhuleka kwabantwana bakoIsrayeli, ngoba beyonile indlela yabo, bayikhohlwa iNkosi uNkulunkulu wabo.

UHezekhiyeli 22:16

Uzangcoliswa phakathi kwezizwe, uzakwazi ukuba ngiyiNkosi.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.