AmaHubo 86:8 - iBhayibhili Elingcwele 1978

⁸ Phakathi kwabonkulunkulu kakho ofana lawe, Nkosi, kayikho lemisebenzi efana leyakho.

IBhayibhili Elingcwele LesiNdebele

⁸ Phakathi kwabonkulunkulu kakho onjengawe, Oh Thixo; kakulazenzo ezingalinganiswa lezakho.

AmaHubo 86:8 ပူးပေါင်းရင်းမြစ်များ

2 ImiLando 2:4

Sengizimisele ukwakhela ibizo leNkosi uNkulunkulu wami indlu, ngiyahlukanisele iNkosi ukuba ngitshisele khona impepha elephunga elihle, lokunikela insuku zonke izinkwa ezahlukaniselwe uNkulunkulu, leminikelo yokutshiswa ekuseni lantambama, langamaSabatha, langezikhathi zokuthwasa kwenyanga, langezikhathi zemikhosi emisiweyo yeNkosi uNkulunkulu wethu, njengokumiselwe uIsrayeli kuze kube nininini.

AmaHubo 135:5

Ngiyazi ukuthi iNkosi yinkulu, lokuthi iNkosi yethu iphezu kwabo bonke onkulunkulu.

AmaHubo 136:4

Yona yodwa eyenza izimangaliso ezinkulu, ngoba uthando lwayo olungapheliyo lumi kuze kube nininini;

AmaHubo 89:6

Ngoba ngubani ongafaniswa lawe ezulwini, Nkosi, na? Ngubani phakathi kwezidalwa zasezulwini ofana leNkosi,

AmaHubo 89:7

uNkulunkulu owesabekayo emhlanganweni wabangcwele, omkhulu lowesabekayo kubo bonke abahlala laye na?

AmaHubo 89:8

Nkosi Nkulunkulu wamabandla, ngubani ongafaniswa lawe, Nkosi, ngamandla langobuqotho bakho bonke na?

AmaHubo 95:3

Ngoba iNkosi inguNkulunkulu omkhulu, iyiNkosi enkulu phezu kwabonkulunkulu bonke.

U-Eksodasi 15:11

Ngubani onjengawe, Nkosi, phakathi kwabonkulunkulu na? Ngubani onjengawe olobukhosi ngobungcwele, owesabekayo ngezenzo ezinkulu, owenza izimangaliso na?

U-Eksodasi 8:6

UAroni waselula isandla sakhe phezu kwamanzi aseGibithe; amaxoxo aphuma, agcwala ilizwe laseGibithe.

U-Isaya 40:18

Lizamfanisa lobanike uNkulunkulu, loba limlinganise lomfanekiso kabani na?

U-Isaya 40:25

Pho, lizangilinganisa lobani, lizangifanisa lobani na? kutsho oNgcwele.

UJeremiya 10:16

UNkulunkulu kaJakobe kanjengazo, ngoba nguye owadala zonke izinto, isizwe sakoIsrayeli yiso asikhethayo; ubizwa ngokuthi yiNkosi yamabandla.

UDanyeli 3:29

Ngakhoke sengisenza isimemezelo esithi: Abantu lezizwe lezindimi ezikhuluma kubi ngoNkulunkulu kaShadraki loMeshaki loAbedinego bazaqunywaqunywa izitho, kudilizwe lemizi yabo. Ngoba kakukho omunye unkulunkulu olamandla okukhulula ngalindlela.

UDutheronomi 3:24

Nkosi Nkulunkulu, usuqalile ukutshengisa inceku yakho ubukhulu bakho lesandla sakho esilamandla; ngoba nguwuphi unkulunkulu ezulwini lasemhlabeni ongenza imisebenzi enjengeyakho, lezenzo ezinkulu ezinjengezakho na?

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?