AmaHubo 79:2 - iBhayibhili Elingcwele 1978

² Banikile izidumbu zenceku zakho zaba yikudla kwenyoni zaphezulu, lenyama yabangcwele bakho kuzo izilo zomhlaba.

IBhayibhili Elingcwele LesiNdebele

² Izidumbu zezinceku zakho sebezilahlile ukuba yikudla kwezinyoni zasemoyeni, inyama yabangcwele bakho yaba yikudla kwezilo zelizwe.

AmaHubo 79:2 ပူးပေါင်းရင်းမြစ်များ

UJeremiya 15:3

Ngizabamisela inhlobo ezine zababulali, kutsho iNkosi, ngitsho umkhonto wokubulala, izinja zokubabamba, inyoni zaphezulu, lenyamazana zeganga zokubadla lokubabhubhisa.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

UJeremiya 34:20

Ngizabanikela ezendleni zezitha zabo lezandleni zalabo abafuna ukubabulala. Izidumbu zabo zizakuba yikudla kwenyoni zaphezulu lenyamazana zeganga.

UJeremiya 7:33

Kuthi izidumbu zalababantu zibe yikudla kwenyoni zaphezulu, lenyamazana zeganga, kungekho ozazethusa.

UZefaniya 1:17

Ngizakwehlisela abantu usizi ukuze bahambe njengeziphofu, ngoba bonile eNkosini; igazi labo lizakuchithwa njengothuli; lenyama yabo njengobulongwe.

UDutheronomi 28:26

Isidumbu sakho sizakuba yikudla kwezinyoni zonke zaphezulu lokwezinyamazana zasemhlabeni, kungabi khona muntu ozixotshayo.