AmaHubo 76:6 - iBhayibhili Elingcwele 1978

⁶ Ekubakhalimeni kwakho, Nkulunkulu kaJakobe, ibhiza kanye lomkhweli walo kwawela phansi, kwaqaleka.

IBhayibhili Elingcwele LesiNdebele

⁶ Uthi ungakhwaza wena, Oh Nkulunkulu kaJakhobe, ibhiza lenqola kuhle kulale phansi kuthi zwi.

AmaHubo 76:6 ပူးပေါင်းရင်းမြစ်များ

2 USamuyeli 10:18

AmaSiriya abaleka phambi kukaIsrayeli; uDavida wabulala amaSiriya ezinqola zokulwa angamakhulu ayisikhombisa, labamabhiza abazinkulungwane ezingamatshumi amane, walimaza uShobaki induna yempi, wafela khona lapho.

2 AmaKhosi 19:35

Ngalobobusuku isithunywa seNkosi sasuka sayabulala izinkulungwane ezilikhulu lamatshumi aficaminwembili lanhlanu ezihonqweni zamaAsiriya. Kwathi abantu bevuka ekuseni kakhulu babona bonke laba sebeyizidumbu kuphela.

2 ImiLando 32:21

INkosi yathumela isithunywa esabulala amaqhawe wonke labaphathi bezimpi lezinduna ezihonqweni zenkosi yaseAsiriya. Yona yabuyela elizweni layo ilenhloni. Isingenile endlini kankulunkulu wayo, abanye kumadodana ayo bayibulalela khona ngomkhonto.

AmaHubo 104:7

Ekukhuzeni kwakho abaleka; ekudumeni kwakho aphangisa ukusuka.

AmaHubo 18:15

Ng’khona kwabonakala itshebetshebe elingaphansi kolwandle, kwambulwa lezisekelo zomhlaba ekukhwazeni kwakho, Nkosi, ekufutheni komoya wamakhala akho.

AmaHubo 80:16

Balitshisile ngomlilo, baligamulela phansi; kungathi bangabhubha ngokubakhangela kwakho lapho ubakhuza!

U-Eksodasi 15:1

UMose labakoIsrayeli basebehlabelela lelihubo eNkosini, bathi: Ngizahlabelela iNkosi, ngoba inqobile, ilodumo. Ibhiza lomgadi walo ikuphosele olwandle.

U-Eksodasi 15:10

Waphephetha ngomoya wakho, ulwandle lwabasibekela. Batshona njengomnuso emanzini amakhulu.

U-Eksodasi 15:21

UMiriyamu wabahlabelela wathi: Hlabelelani iNkosi, ngoba inqobile, ilodumo. Ibhiza lomgadi walo ikuphosele olwandle.

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

UJeremiya 51:39

Lapho sebebukhali, ngizabenzela idili, ngibadakise baze baqaleke, balale ubuthongo obungapheliyo, bangaphindi bavuke, kutsho iNkosi.

UJeremiya 51:57

Ngizadakisa izikhulu zalo lezihlakaniphi zalo, ababusi balo, lezinduna zamabutho alo, lamaqhawe alo; bazalala ubuthongo obungapheliyo, bangavuki, kutsho iNkosi, eyiNkosi yamabandla.

UHezekhiyeli 39:20

Lizasutha etafuleni yami amabhiza labagadi lamaqhawe lamadoda wonke empi, kutsho iNkosi uNkulunkulu.

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

UNahume 2:13

Khangela, ngimelene lawe, kutsho iNkosi yamabandla; ngizatshisa ngomlilo inqola zakho zokulwa, lomkhonto uzaqeda imidlwane yakho; ngizaqeda emhlabeni konke okubambayo, lelizwi lezithunywa zakho kalisayikuzwakala.

UNahume 3:18

Abelusi bakho balele, nkosi yaseAsiriya, lezikhulu zakho ziyawozela. Abantu bakho bahlakazekile ezintabeni, kakho obabuthayo.

UZakhariya 12:4

Ngalolosuku ngizakwethusa wonke amabhiza, labagadi bawo bonke ngibehlisele ukuhlanya. UJuda ngizamlinda, kodwa ngizaphumputhekisa wonke amabhiza abezizwe.

1 USamuyeli 26:12

UDavida wasethatha umkhonto lesigxingi samanzi ngekhanda likaSawuli; bahamba. Kakubonanga muntu, kakwazanga muntu, kakuvukanga muntu; ngoba babelele bonke, behlelwe yibuthongo obunzima obuvela eNkosini.