AmaHubo 72:19 - iBhayibhili Elingcwele 1978

¹⁹ Kalibongwe ibizo lakhe elilodumo kuze kube nininini; umhlaba wonke ugcwale ubukhosi bakhe. Ameni, Ameni!

IBhayibhili Elingcwele LesiNdebele

¹⁹ Udumo kalube sebizweni lakhe elingcwele laphakade; sengathi umhlaba wonke ungagcwala inkazimulo yakhe. Ameni njalo Ameni.

AmaHubo 72:19 ပူးပေါင်းရင်းမြစ်များ

1 AmaKhosi 1:36

UBenaya indodana kaJehoyada waseyiphendula inkosi esithi: Kakube njalo. Kungathi iNkosi, uNkulunkulu wenkosi yami, ingaqinisa okutshoyo!

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

AmaHubo 41:13

Kayibongwe iNkosi, uNkulunkulu kaIsrayeli, kusukela endulo kuze kube nininini. Ameni, Ameni.

AmaHubo 89:52

Kayibongwe iNkosi kuze kube nini lanini. Ameni, Ameni.

U-Isaya 11:9

Kakho loyedwa ozakwenza okubi, loba one kuyo yonke intaba yami engcwele; ngoba umhlaba uzagcwala ukwazi kweNkosi njengamanzi agcwele ulwandle.

U-Isaya 6:3

Elinye lamemeza kwelinye lisithi: Ingcwele, ingcwele, ingcwele iNkosi yamabandla; umhlaba wonke ugcwele inkazimulo yayo.

UJeremiya 28:6

esithi: Kungathi kungaba njalo! Kungathi iNkosi ingenza njalo, yenze ukuba amazwi owatshumayelayo agcwaliseke, ibuyise kulindawo izitsha zethempeli, labo bonke abathunjelwa eBabiloni.

UHabhakhukhi 2:14

Ngoba umhlaba uzagcwala ukwazi ngobukhulu beNkosi njengamanzi agcwalisa ulwandle.

UZakhariya 14:9

INkosi izakuba yinkosi yomhlaba wonke; ngalolosuku iNkosi izakubanye lebizo layo libe linye.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

AmaNani 14:21

kodwa impela, njengalokhu ngiphila, lanjengalokhu wonke umhlaba uzakugcwala inkazimulo yeNkosi,

AmaNani 5:22

Amanzi la aletha isiqalekiso kawangene kuwe, akwenze ukuba uphumise isisu. Owesifazana athi: Kakube njalo.

UMatewu 6:10

umbuso wakho kawuze, intando yakho kayenziwe, emhlabeni njengasezulwini.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

Isambulo 22:20

Ofakaza ngalezizinto uthi: Impela ngiyeza masinyane. Ameni. Woza Nkosi Jesu!

Isambulo 5:13

Ngezwa konke okudaliweyo okusezulwini, lokusemhlabeni, lokungaphansi komhlaba, lokusolwandle, kusithi: Kuye ohlezi esihlalweni sobukhosi lakulo iWundlu kakube ukudunyiswa, lodumo, lobukhosi, lokunqoba, kuze kube nini lanini.