AmaHubo 7:17 - iBhayibhili Elingcwele 1978

¹⁷ Ngizakuyibonga iNkosi ngokulunga kwayo, ngihlabelele ibizo leNkosi ePhezukonke.

IBhayibhili Elingcwele LesiNdebele

¹⁷ Ngizambonga uThixo ngenxa yokulunga kwakhe; ngizahlabelela indumiso egameni likaThixo oPhezukonke.

AmaHubo 7:17 ပူးပေါင်းရင်းမြစ်များ

2 USamuyeli 3:29

Kalehlele ekhanda likaJowabi lakuyo yonke indlu kayise. Kungasweleki endlini kaJowabi olamanxeba abhibhidlayo, lolesifo esibi, longasebenza umsebenzi wamanina kuphela, lobulawa empini, loswela ukudla.

1 AmaKhosi 2:32

INkosi uNkulunkulu izakwehlisela ekhanda lakhe izenzo zakhe zokuchitha igazi, ngoba kwathi ubaba uDavida engazi, wahlasela wabulala amadoda amabili ayelungile engcono kulaye, ngitsho uAbineri indodana kaNeri induna yempi yakoIsrayeli, loAmasa indodana kaJetheri induna yempi yakoJuda.

U-Esta 9:25

Kodwa kwathi lapho lindaba ifika enkosini, yaloba umthetho ukuba icebo elibi likaHamani ayelenzele abaJuda lehlele phezu kwakhe; yena lamadodana akhe balengiswa ogodweni.

AmaHubo 111:3

Umsebenzi wayo ulodumo lobukhosi, lokulunga kwayo kuhlala kuze kube nininini.

AmaHubo 140:10

Amalahle atshisayo awele phezu kwabo, bawiselwe emgodini, bangaphindi bavuke.

AmaHubo 145:7

Bazakwandisa udumo lokulunga kwakho okukhulu, bahlabele kakhulu ngokulunga kwakho.

AmaHubo 35:28

Umlomo wami uzakutshumayela ngokulunga kwakho langodumo lwakho usuku lonke.

AmaHubo 51:14

Ngikhulula ecaleni legazi, Nkulunkulu wokusizwa kwami, lolimi lwami luzakuhlabelela ngokulunga kwakho.

AmaHubo 9:2

Ngizakuthaba ngithokoze kuwe, ngidumise ibizo lakho wena oPhezukonke.

AmaHubo 92:1

Kuhle ukukubonga, Nkosi, lokudumisa ibizo lakho, wena oPhezukonke;

AmaHubo 92:8

kodwa wena, Nkosi, uphakeme kuze kube nininini.

AmaHubo 98:2

INkosi ikuvezile ukunqoba kwayo, ikubekile obala ukulunga kwayo phambi kwezizwe.

UDanyeli 4:17

Lesisigwebo siyisimemezelo sezithunywa ezilindayo, isiqumo selizwi lazo, ukuze abaphilayo bazi ukuba oPhezukonke uyabusa umbuso wabantu, awunike lowo athanda ukumnika, amise phezu kwawo abantukazana.

UDanyeli 4:25

sokuthi uzaxotshwa ebantwini, uhlale lenyamazana zeganga. Uzakudla utshani njengenkomo, uthanjiswe ngamazolo aphezulu okweminyaka eyisikhombisa, uze wazi ukuthi oPhezukonke uyabusa umbuso wabantu, awunike lowo athanda ukumnika.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

Imisebenzi 7:48

Kanti oPhezukonke kahlali ezindlini ezenziwe ngezandla njengokutsho komprofethi ukuthi:

Abahluleli 9:24

ukuze ububi obenziwa kumadodana kaJerubali angamatshumi ayisikhombisa bubuyele kuye umfowabo owawabulalayo lasebantwini baseShekema abamkhuthaza ukubulala abafowabo.

Abahluleli 9:57

Futhi uNkulunkulu wabuyisela bonke ububi babantu baseShekema phezu kwabo, behlelwa yisiqalekiso sikaJothamu indodana kaJerubali.