AmaHubo 69:28 - iBhayibhili Elingcwele 1978

²⁸ Kabesulwe encwadini yabaphilayo, bangabalwa kanye labalungileyo.

IBhayibhili Elingcwele LesiNdebele

²⁸ Sengathi bangesulwa encwadini yokuphila bangaze babalwa kanye labalungileyo.

AmaHubo 69:28 ပူးပေါင်းရင်းမြစ်များ

U-Isaya 4:3

Kuzakuthi bonke abaseleyo eZiyone, abatshiywe eJerusalema, bonke ababhaliweyo ogwalweni lokuphila, kuthiwe bangcwele,

U-Isaya 65:16

kuze kuthi lowo ozibusisayo emhlabeni azibusise ngoNkulunkulu weqiniso, lalowo ofungayo emhlabeni afunge ngoNkulunkulu weqiniso; ngoba inhlupheko zakuqala sezikhohlakele, zisithekile emehlweni ami.

UHezekhiyeli 13:9

Isandla sami sizamelana labaprofethi ababona imibono yenkohliso, bavumise amanga. Kabayikuba semhlanganweni wabantu bami, loba babhalwe oluhlwini lwakoIsrayeli, kabayikungena elizweni lakoIsrayeli; lizakwazi ukuba ngiyiNkosi uNkulunkulu.

UHosiya 1:9

INkosi yathi kuHoseya: Ithe ibizo uthi nguLo‐Ami, ngoba kalisibo abantu bami, lami kangisuye uNkulunkulu wenu.

ULukha 10:20

Lingathokozi ngalokho okokuthi omoya bayalithobela, kodwa thokozani ngokuthi amabizo enu alotshiwe ezulwini.

AbaseFiliphi 4:3

Ngiyakuncenga lawe, mnakwethu oqotho, siza labo abesifazana, ngoba basebenza kakhulu kanye lami evangelini, kanye loKlementi lezinye izisebenzi amabizo azo asencwadini yokuphila.

AmaHebheru 12:23

lasemhlanganweni wamazibulo abhalwe ezulwini, lakuNkulunkulu umahluleli wakho konke, lakumimoya yabalungileyo abaphelelisiweyo,

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 22:19

Uba umuntu ephungula amazwi esiprofethi alotshiweyo kulincwadi, uNkulunkulu uzakuphungula isabelo sakhe esihlahleni sokuphila lasemzini ongcwele, izinto ezilotshiweyo kulincwadi.

Isambulo 3:5

Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.