AmaHubo 68:5 - iBhayibhili Elingcwele 1978

⁵ UYise wezintandane lomvikeli wabafelwakazi nguNkulunkulu endlini yakhe engcwele.

IBhayibhili Elingcwele LesiNdebele

⁵ Uyise wezintandane, umlamuleli wabafelokazi, nguNkulunkulu emzini wakhe ongcwele.

AmaHubo 68:5 ပူးပေါင်းရင်းမြစ်များ

2 ImiLando 30:27

Basebesukuma abapristi lamaLevi, babusisa abantu; ilizwi labo lezwakala, umkhuleko wabo wafinyelela ezulwini endaweni engcwele kaNkulunkulu.

2 ImiLando 6:2

ngikwakhele indlu ephakemeyo, indawo ongahlala kiyo kuze kube nini lanini.

AmaHubo 10:14

Uyabona wena, yebo, uyabona ukukhathazeka lenhlupheko ukuze ukubeke ezandleni zakho. Ongelamandla uyazinikela kuwe; wena ungumsizi wezintandane.

AmaHubo 10:18

ukuba wahlulele izintandane labacindezelweyo, ukuze umuntu wasemhlabeni angabe esesabeka.

AmaHubo 118:19

Ngivulelani amasango okulunga ukuba ngingene kuwo, ngibonge iNkosi.

AmaHubo 146:9

INkosi iyazigcina izihambi, isekele umfelwakazi lezintandane; kodwa indlela yababi iyayichitha.

AmaHubo 150:6

Konke okuphefumulayo kakudumise iNkosi. Dumisani iNkosi!

AmaHubo 33:14

isendaweni lapho ihlala khona iyabakhangela bonke abakhileyo emhlabeni,

AmaHubo 72:2

Kayahlulele abantu bakho ngokulunga, lezihlupheki zakho ngemfanelo.

AmaHubo 72:4

Ibavikele abahluphekayo babantu, ikhulule abaswelayo, ifohloze abacindezelayo.

U-Eksodasi 3:15

UNkulunkulu wathi njalo kuMose: Uzakutsho kwabakoIsrayeli ukuthi: INkosi uNkulunkulu wabokhokho benu, uNkulunkulu kaAbrahama, uNkulunkulu kaIsaka, uNkulunkulu kaJakobe ungithumile kini; yilo leli ibizo lami kuze kube nininini, yiso lesi isikhumbuzo sami kuzo zonke izizukulwana.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

U-Isaya 12:4

Uzakutsho ngalolosuku uthi: Bongani iNkosi, lidumise ibizo layo; lidumise izenzo zayo phakathi kwezizwe, limemezele ukuthi ibizo layo liphakeme.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

U-Isaya 66:1

INkosi ithi: Izulu liyisihlalo sami sobukhosi, lomhlaba uyisigcabha senyawo zami; ngenjani leyondlu ebelizakungakhela yona, ngenjani lendawo yami yokuphumula na?

UJeremiya 49:11

Tshiya izintandane zakho, ngizazilondoloza, abafelwakazi bakho kabathembe kimi.

UJeremiya 5:28

bakhuluphele; kabalamkhawulo ekwenzeni kwabo okubi, kabameli ukulunga lezintandane ukuba ziphumelele, kabavikeli amalungelo abaswelayo.

UHosiya 14:3

IAsiriya kaliyikusisiza, kasisayikugada amabhiza; kasisayikutsho kuzo izithombe zethu ukuthi: UnguNkulunkulu wethu. Kuwe intandane iyafumanisa umusa.

Abase-Efesu 5:1

Ngakhoke mlingiseni uNkulunkulu njengabantwana abathandekayo,

UDutheronomi 10:18

Iyenzela ukwahlulela izintandane labafelwakazi, iyathanda abezizweni abahlala phakathi kwenu ibanike ukudla lezambatho.

UDutheronomi 26:15

Khangela phansi usendaweni yakho engcwele esezulwini, ubusise abantu bakho uIsrayeli lomhlaba osinike wona, njengokufunga kwakho kubokhokho bethu, ilizwe eligcwele uchago lenyosi.