AmaHubo 66:15 - iBhayibhili Elingcwele 1978

¹⁵ Ngizakunikela kuwe iminikelo yokutshiswa yezinonileyo, kanye lephunga lomnikelo wezinqama; ngizakunikela umnikelo wezinkunzi lezimbuzi.

IBhayibhili Elingcwele LesiNdebele

¹⁵ Ngizakuhlabela izifuyo ezinonileyo, lomnikelo wenqama; ngizanikela ngenkunzi kanye lembuzi.

AmaHubo 66:15 ပူးပေါင်းရင်းမြစ်များ

2 USamuyeli 6:13

Kwakusithi lapho labo abathwele umtshokotsho weNkosi sebehambile izinyathelo eziyisithupha, ahlabe inkabi lethole elinonisiweyo.

U-Ezra 8:35

Ngalesosikhathi labo ababebuyile ekuthunjweni banikela, kwaba ngumnikelo wokutshiswa kuNkulunkulu kaIsrayeli, inkunzi ezilitshumi lambili zinikelelwa uIsrayeli wonke, lezinqama ezingamatshumi aficamunwemunye lesithupha, lamawundlu angamatshumi ayisikhombisa lesikhombisa; banikela lempongo ezilitshumi lambili, zaba ngumnikelo wesono; konke lokhu kwaba ngumnikelo wokutshiselwa iNkosi uNkulunkulu.

AmaHubo 51:19

Ng’khona uzakujabulela iminikelo efaneleyo, leminikelo yokutshiswa; njalo kuzakunikelwa ngezinkunzi phezu kwealtare lakho.

UJeremiya 41:5

kwafika amadoda angamatshumi aficaminwembili evela eShekema leShilo leSamariya, ephucile indevu zawo, lezigqoko zawo zidatshuliwe, lemizimba yawo isikiwe, eletha iminikelo yempuphu kanye lempepha ukuyinikela ethempelini.

AmaNani 6:14

anikele ngomnikelo wakhe eNkosini, iwundlu elilomnyaka munye elingelasici, libe ngumnikelo wokutshiswa, lemvukazi elomnyaka munye engelasici ibe ngumnikelo wesono, lenqama ibenye engelasici ibe ngumnikelo wokuthula,

AmaNani 7:45

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;