AmaHubo 65:5 - iBhayibhili Elingcwele 1978

⁵ Ngezenzo ezesabekayo uyasiphendula, usikhulule, Nkulunkulu ongumsizi wethu, wena olithemba labantu bomhlaba wonke, lelabantu abahlala ngaphetsheya kolwandle olukhatshana,

IBhayibhili Elingcwele LesiNdebele

⁵ Uyasiphendula ngezenzo zokulunga ezimangalisayo, Oh Nkulunkulu Msindisi wethu, themba lemikhawulo yonke yomhlaba lenlwandle ezikude,

AmaHubo 65:5 ပူးပေါင်းရင်းမြစ်များ

AmaHubo 107:23

Abanye bahamba olwandle ngemikolo, bethengiselana emanzini amakhulu;

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

AmaHubo 22:27

Imikhawulo yonke yomhlaba izakukhumbula, iphendukele eNkosini; lezizukulwana zonke zezizwe zizakhonza phambi kwayo.

AmaHubo 36:9

Ngoba ukuwe umthombo wokuphila; ekukhanyeni kwakho siyakubona ukukhanya.

AmaHubo 45:4

Ebukhosini bakho unqobe ekuphumeni kwakho, usiyakulwela iqiniso lokuvikela ukulunga; isandla sakho sokunene sikufundise izinto ezesabekayo.

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

AmaHubo 84:5

Babusisiwe abantu abamandla abo akuwe, okukhona enhliziyweni zabo isifiso sokuya eZiyone.

AmaHubo 85:4

Sibuyise futhi, Nkulunkulu wokukhululwa kwethu, ususe kithi isigcono sakho.

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

U-Isaya 45:22

Phendukelani kimi likhululwe, lina lonke bantu basemhlabeni wonke. Ngoba nginguNkulunkulu, kakho omunye.

U-Isaya 51:5

Ukukhulula kwami kuyasondela masinyane, lokusiza kwami kuyeza, ngizakubusa izizwe; amazwe angasolwandle angilindele, athembe amandla ami.

U-Isaya 60:5

Ng’khonake uzakubona, ugcwale ukuthokoza, lenhliziyo yakho izakuphuphuma; ngoba inotho evela olwandle izalethwa kuwe, lenotho yezizwe izanikwa wena.

U-Isaya 66:19

Ngizabeka isibonakaliso phakathi kwazo, ngithumele abaseleyo ezizweni, eTarshishi, lasePuti, laseLudi, laseMesheki, laseTubali, laseJavani, lasemazweni angasolwandle akhatshana angakezwa udumo lwami, ezingakaboni ubukhulu bami; bazalandisa ngodumo lwami phakathi kwezizwe.

UZefaniya 2:11

INkosi izakwenza okwesabekayo kibo; ngoba izabaqeda bonke onkulunkulu bomhlaba, akhuleke kuyo wonke amazwe ezizwe, wonke umuntuesendaweni yakibo.

UHagayi 2:23

Ngalolosuku, kutsho iNkosi yamabandla, ngizakukuthatha, wena Zerubabeli, inceku yami, indodana kaSalatiyeli, ngikwenze ube njengendandatho yodumo; ngoba nguwe engikukhethileyo, kutsho iNkosi yamabandla.

UZakhariya 9:10

Izaqeda inqola zokulwa koEfrayimi, lamabhiza okulwa eJerusalema; lemitshoko yokulwa izakuqedwa. Izamemezela ukuthula ezizweni; lokubusa kwayo kuzasukela olwandle kuze kufike kolunye ulwandle, kusukele emfuleni iYufrathi kuze kube sekucineni komhlaba.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

UDutheronomi 10:21

Yiyo eliyidumisayo, inguNkulunkulu wenu olenzele lezizinto ezinkulu lezesabekayo elizibonileyo.

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?

Isambulo 16:5

Ngezwa isithunywa samanzi sisithi: Wena oNgcwele okhona lowayekhona, ulungile ngokuthonisisa kwakho;