AmaHubo 59:9 - iBhayibhili Elingcwele 1978

⁹ Wena, mandla ami, ngizakuhlabelela amahubo okubonga, ngoba wena, Nkulunkulu, uyinqaba yami.

IBhayibhili Elingcwele LesiNdebele

⁹ Oh Mandla ami, ngiyakulindela; wena, Oh Nkulunkulu, uyinqaba yami,

AmaHubo 59:9 ပူးပေါင်းရင်းမြစ်များ

AmaHubo 2:4

Yena ohlezi emazulwini uyahleka, iNkosi iyabahleka ulunya.

AmaHubo 20:1

INkosi ikuphendule osukwini lokuhlupheka; ibizo likaNkulunkulu kaJakobe likuvikele.

AmaHubo 27:1

INkosi iyikukhanya kwami lokukhululwa kwami; ngizakwesaba bani na? INkosi iyinqaba yokuphila kwami; ngizakwesaba bani na?

AmaHubo 27:14

Themba iNkosi, uqine, inhliziyo yakho ime isibindi, yebo, themba iNkosi.

AmaHubo 46:1

UNkulunkulu uyisiphephelo sethu lamandla ethu, uyafunyaniswa elusizo kakhulu ekuhluphekeni.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

AmaHubo 59:17

Wena, mandla ami, ngizakukuhlabelela amahubo okubonga, ngoba wena, Nkulunkulu, uyinqaba yami, uNkulunkulu ongithanda ngothando olungapheliyo.

AmaHubo 62:11

UNkulunkulu ukhulumile kwaba kanye, ngizwile kabili lokhu ukuthi amandla angakaNkulunkulu,

AmaHubo 62:2

Nguye kuphela olidwala lami, lomkhululi wami, lenqaba yami; kangiyikunyikinywa.

AmaHubo 9:9

INkosi iyinqaba yabacindezelweyo, iyinqaba ezikhathini zokuhlupheka.

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

U-Isaya 40:31

kodwa abayithembayo iNkosi bazazuza amandla amatsha, bazakuqonga ngamaphiko njengokhozi, bagijime bangadinwa, bahambe bangapheli amandla.

U-Isaya 58:14

uzafumana intokozo kimi, ngizakukukhweza ezintabeni eziphakemeyo zomhlaba, ngikuphe ilifa likaJakobe ukhokho wakho ukuba ulidle; ngoba umlomo weNkosi ukukhulumile.

UHabhakhukhi 3:19

UNkulunkulu, iNkosi, ungamandla ami. wenza inyawo zami zibe njengezempala, engenze ukuba ngihambe endaweni zami eziphakemeyo.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]