AmaHubo 59:5 - iBhayibhili Elingcwele 1978

⁵ wena, Nkosi Nkulunkulu wamabandla, onguNkulunkulu kaIsrayeli; vuka, uphindisele zonke izizwe, ungayekeli lamunye walabo abenza okubi.

IBhayibhili Elingcwele LesiNdebele

⁵ Oh Thixo Nkulunkulu Somandla, Nkulunkulu ka-Israyeli, ake uzivuse wena ukuze uzijezise zonke izizwe; ungabazweli isihawu bonke abahlamuki ababi.

AmaHubo 59:5 ပူးပေါင်းရင်းမြစ်များ

UGenesisi 33:20

Wakha khona ialtare, walibiza ngokuthi yiEli, okuyikuthi uNkulunkulu kaIsrayeli.

AmaHubo 54:3

Ngoba abafo bangivukele, abantu abalolunya bafuna ukungibulala, kabamnanzi uNkulunkulu.

AmaHubo 55:15

Ukufa kakubafikele, bawiselwe endaweni yabafileyo besaphila, ngoba ububi busemizini yabo lasenhliziyweni yabo.

AmaHubo 7:7

Umhlangano wezizwe kawukuhanqe, wena uhlale esihlalweni sakho esiphakamileyo.

AmaHubo 80:4

Nkosi Nkulunkulu wamabandla, uzathukuthelela imikhuleko yabantu bakho kuze kube nini na?

AmaHubo 84:8

Nkosi Nkulunkulu wamabandla, zwana umkhuleko wami, ulalele, wena Nkulunkulu kaJakobe.

AmaHubo 9:15

Izizwe ziwele emgodini ezawumbayo, lenyawo zazo zibanjwe limbule ezalithiyayo.

U-Eksodasi 20:5

ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,

U-Eksodasi 3:15

UNkulunkulu wathi njalo kuMose: Uzakutsho kwabakoIsrayeli ukuthi: INkosi uNkulunkulu wabokhokho benu, uNkulunkulu kaAbrahama, uNkulunkulu kaIsaka, uNkulunkulu kaJakobe ungithumile kini; yilo leli ibizo lami kuze kube nininini, yiso lesi isikhumbuzo sami kuzo zonke izizukulwana.

U-Isaya 1:10

Zwanini ilizwi leNkosi, lina babusi baseSodoma, lilalele imfundiso kaNkulunkulu wethu, lina bantu baseGomora.

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

UDanyeli 6:7

Bonke abongameli bombuso, lezinduna, lezikhulu, labeluleki, lababusi, bavumelene ukuba inkosi imise umthetho, ikhuphe isimemezelo esiqinileyo ngawo sokuthi lowo okhuleka komunye unkulunkulu loba omunye umuntu ensukwini ezingamatshumi amathathu ezizayo ngaphandle kwakho, nkosi, uzaphoselwa emgodini wezilwane.

uAmosi 9:7

Kimi kalinjengamaEtiyopiya, lina bakoIsrayeli na? itsho iNkosi. Mina engakhupha uIsrayeli elizweni laseGibithe kangikhuphulanga amaFilistiya eKafitori lamaSiriya eKiri na?

AbaseRoma 9:6

Kodwa kangitsho ukuthi ilizwi likaNkulunkulu lahlulekile. Ngoba kakusibo bonke abazalwa nguIsrayeli abangabakoIsrayeli,

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.