AmaHubo 51:15 - iBhayibhili Elingcwele 1978

¹⁵ Nkulunkulu, vula indebe zami ukuze umlomo wami ukudumise.

IBhayibhili Elingcwele LesiNdebele

¹⁵ Oh Thixo, vula izindebe zami, umlomo wami uzamemezela indumiso yakho.

AmaHubo 51:15 ပူးပေါင်းရင်းမြစ်များ

UGenesisi 44:16

UJuda wathi kuye: Sizakuthini enkosini yethu na? Singakhulumani? Sizakuzilandulela sithini? UNkulunkulu ubufumene ububi bezinceku zakho; khangela, siyizigqili zenkosi yethu kanye laye okufunyenwe kuye inkezo.

AmaHubo 119:13

Ngomlomo wami ngimemezele zonke izahlulelo zomlomo wakho.

AmaHubo 9:14

ukuze ngihube udumo lwakho, ngithabe emasangweni eZiyone ngokungikhulula kwakho.

U-Eksodasi 4:11

INkosi yathi kuye: Ngubani owenza umlomo womuntu? Ngubani owenza ukuba umuntu abe yisimungulu, abe yisacuthe lobonayo lesiphofu na? Angithi yimi iNkosi na?

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UHezekhiyeli 29:21

Ngalolosuku ngizakhupha amahlumela amatsha koIsrayeli, ngikunike, wena Hezekeli, amandla okukhuluma phakathi kwabo. Bazakwazi ukuba ngiyiNkosi.

UHezekhiyeli 3:27

Kodwa lapho sengikhuluma kuwe, ngizavula umlomo wakho, uzakuthi kibo: Nanka amazwi eNkosi uNkulunkulu. Lowo othanda ukuzwa kezwe; ongathandiyo ukuzwa angezwa; ngoba bayisizwe esihlamukileyo.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UMatewu 22:12

Yathi kuye: Mngane, ungene kanjani lapha ungayambathanga ingubo yomthimba na? Kodwa yena wathula.

UMakho 7:34

Ekhangela ezulwini, wabubula, wathi kuye: “Efatha”; okuyikuthi: Vuleka!

AbaseRoma 3:19

Siyazi ukuthi lokho okutshoyo umlayo, ukukhuluma kibo abangaphansi komlayo, ukuba yonke imilomo ivinjelwe, lokuba umhlaba wonke ube ngaphansi kokuthonisisa kukaNkulunkulu.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

1 USamuyeli 2:9

Iyavikela ukuhamba kwabathembekileyo bayo, kodwa ababi bayatshona emnyameni bathuliswe; ngoba umuntu kayikwahlula ngamandla.