AmaHubo 51:14 - iBhayibhili Elingcwele 1978

¹⁴ Ngikhulula ecaleni legazi, Nkulunkulu wokusizwa kwami, lolimi lwami luzakuhlabelela ngokulunga kwakho.

IBhayibhili Elingcwele LesiNdebele

¹⁴ Ngikhulula ecaleni lokuchitha igazi, Oh Nkulunkulu, uNkulunkulu ongisindisayo, njalo ulimi lwami luzahlabelela ukulunga kwakho.

AmaHubo 51:14 ပူးပေါင်းရင်းမြစ်များ

UGenesisi 42:22

URubeni wabaphendula wathi: Kangitshongo yini ukuthi lingezi okubi kuye umfana? Kodwa kalingilalelanga. Ngakho khangelanike, igazi lakhe selibizwa kithi.

UGenesisi 9:6

Ochitha igazi lomuntu, igazi lakhe lizachithwa ngabantu; ngoba uNkulunkulu wamenza umuntu ngomfanekiso wakhe.

2 USamuyeli 12:9

Udeleleni ilizwi leNkosi ukuba wenze okubi emehlweni ayo na? Ubulele uUriya umHethi ngomkhonto, umbulele ngomkhonto wamaAmoni, wathatha umkakhe waba ngowakho.

2 USamuyeli 21:1

Kwaba khona indlala ensukwini zikaDavida iminyaka emithathu ngokulandelana; uDavida wabuza iNkosi uNkulunkulu. Yathi: USawuli ulecala legazi kanye lendlu yakhe, ngoba wabulala abaseGibeyoni.

2 USamuyeli 3:28

Kwathi uDavida esekuzwile lokho wathi: Mina lombuso wami kasilacala phambi kweNkosi kuze kube nininini ngegazi likaAbineri indodana kaNeri.

U-Ezra 9:13

Ngemva kwakho konke okusehleleyo ngenxa yezenzo zethu ezimbi langenxa yesono sethu esikhulu, lanxa wena Nkulunkulu wethu usitshaye ngokungalingani lezono zethu, wasiyekela siyingcosana enje,

UNehemiya 9:33

Wena ubulungile kukho konke okusehleleyo, wena ubuthembekile, thina senza okubi;

AmaHubo 25:5

Ngiholela eqinisweni lakho, ungifundise, ngoba wena unguNkulunkulu lomsilisi wami; ngilindele wena usuku lonke.

AmaHubo 26:9

Ungangikhukhuli kanye lezoni, lokuphila kwami kanye labantu abathanda ukuchitha igazi,

AmaHubo 35:28

Umlomo wami uzakutshumayela ngokulunga kwakho langodumo lwakho usuku lonke.

AmaHubo 38:22

Phangisa ungisize, Nkosi yokukhululwa kwami.

AmaHubo 55:23

Kodwa wena, Nkulunkulu, uzakubawisela phansi, uzakubawisela emgodini otshonayo; abantu begazi lenkohliso kabayikufinyelela lasengxenyeni yensuku zabo zokuphila. Kodwa mina ngizakuthemba kuwe.

AmaHubo 68:20

UNkulunkulu wethu unguNkulunkulu wokukhulula; uNkulunkulu iNkosi ungasisiza ekufeni.

AmaHubo 88:1

Nkosi Nkulunkulu wami, ngiyacela emini ukusizwa; ngiyakhala kuwe ebusuku.

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

U-Isaya 45:17

Kodwa uIsrayeli uzakhululwa yiNkosi ngokukhululwa okungapheliyo; kaliyikuyangeka, libe lenhloni, kuze kube nininini.

UHezekhiyeli 33:8

Uba ngisithi komubi: Wena muntu omubi, uzakufa impela; uba ungakhulumi wena ukumxwayisa omubi ukuba atshiye indlela yakhe, lowomuntu omubi uzafela esonweni sakhe, kodwa umlandu uzakuba ngowakho.

UDanyeli 9:16

Nkosi, ngakho konke ukulunga kwakho dedisa ulaka lwakho lokuthukuthela kwakho emzini waseJerusalema, entabeni yakho engcwele. Ngoba ngenxa yezono zethu langobubi babokhokho iJerusalema labantu bakho bayisiga phakathi kwabo bonke abasihanqileyo.

UDanyeli 9:7

Kukhona ukulunga kuwe, Nkosi, kodwa kithi kukhona ihlazo njengalamhlanje ebantwini bakoJuda, labakhileyo eJerusalema, lakuIsrayeli wonke, kubo abaseduze labakhatshana, emazweni wonke obaxotshele kiwo ngenxa yenkohliso abayenze kuwe.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

UHabhakhukhi 3:18

kanti mina ngizathokoza ngeNkosi, ngijabule ngoNkulunkulu wokukhululwa kwami.

Imisebenzi 18:6

Kwathi bemphikisa, bemhlambaza, wathintitha ingubo zakhe, wathi kubo: Igazi lenu kalibe phezu kwamakhanda enu; mina kangilacala; kusukela lamhla ngizakuya kwabezizwe.

Imisebenzi 20:26

Ngakhoke ngiyafakaza kini ngalolusuku lwalamuhla ukuthi ngimhlophe kulo igazi labantu bonke.

AbaseRoma 10:3

Ngoba kabakwazi ukulunga okuvela kuNkulunkulu, kodwa bafuna ukumisa okwabo; kabazehliseli ngaphansi kokulunga kukaNkulunkulu.