AmaHubo 51:10 - iBhayibhili Elingcwele 1978

¹⁰ Nkulunkulu, dala kimi inhliziyo ehlambulukileyo, ufake kimi umoya omutsha loqotho.

IBhayibhili Elingcwele LesiNdebele

¹⁰ Dala phakathi kwami inhliziyo ehlanzekileyo, Oh Nkulunkulu uvuselele ngaphakathi kwami umoya othembekileyo.

AmaHubo 51:10 ပူးပေါင်းရင်းမြစ်များ

AmaHubo 24:4

Ngulowo olezandla ezingelacala lenhliziyo ehlambulukileyo, ongaphakamiseli umphefumulo wakhe kokuyize longafungeli amanga.

AmaHubo 35:10

Wonke amathambo ami azakuthi: Nkosi, ngubani onjengawe, okhulula ababuthakathaka kubo abalamandla, ababuthakathaka labaswelayo kubo ababaphangayo na?

AmaHubo 73:1

Impela uNkulunkulu ulungile kuIsrayeli, kulabo abahlambulukileyo enhliziyweni.

AmaHubo 78:37

Inhliziyo yabo yayingabambelelanga kuye, bengathembekanga esivumelwanweni sakhe.

AmaHubo 78:8

bangabi njengokhokho babo, ababeyisizukulwana esimakhanda alukhuni lesilenkani, isizukulwana esinhliziyo engaqinanga, lesimoya waso wawungathembekanga kuNkulunkulu.

Izaga 20:9

Ngubani ongatsho ukuthi: Ngihlambulule inhliziyo yami, sengihlambulukile ezonweni zami?

UJeremiya 13:27

Ngibonile amanyala akho, lobufebe bakho, lokuthokoza kwakho ngakho, lendlela zokuphinga kwakho phezu kwezintaba egangeni. Maye kuwe, wena Jerusalema! Koze kube nini ungakahlambuluki na?

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UHezekhiyeli 11:19

Ngizabanika inhliziyonye, ngifake umoya omutsha phakathi kwabo, ngikhuphe inhliziyo elukhuni kibo, ngibanike inhliziyo ebuthakathaka,

UHezekhiyeli 18:31

Susani kini zonke iziphambeko elizenzileyo kimi, lizuze inhliziyo ezintsha lomoya omutsha. Lizafelani, lina Israyeli na?

UHezekhiyeli 36:37

INkosi uNkulunkulu ithi: Lalokhu abakoIsrayeli bazangicela ukuba ngibenzele khona, ukuba ngandise abantu babo ngangomhlambi,

UMatewu 5:8

Babusisiwe abalenhliziyo ezihlambulukileyo, ngoba bazakubona uNkulunkulu.

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 15:9

futhi kehlukanisanga phakathi kwethu labo, ehlambulula inhliziyo zabo ngokukholwa.

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

2 AbaseKhorinte 5:17

Uba umuntu ekuKristu, usedalwa kutsha; okudala sekudlule; khangela, sekuvele okutsha.

Abase-Efesu 2:10

Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.

AbaseKholose 3:10

selambethe omutsha owenziwa kutsha ekwazini ukuze afuze lowo owamenzayo.

UThithu 3:5

wasisilisa, kungesikho ngezenzo zokulunga esazenzayo thina kodwa ngokwesihawu sakhe, ngokugeziswa kokuzalwa kutsha lokuvuselelwa ngoMoya oNgcwele.

UJakhobe 1:8

yena unhliziyombili, uyaphenduphenduka endleleni zakhe zonke.

UJoshuwa 14:14

Ngalokhoke iHebroni laba yilifa likaKalebi indodana kaJefune umKenizi kuze kube lamhla, ngoba wayilandela ngokupheleleyo iNkosi, uNkulunkulu kaIsrayeli.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.