AmaHubo 5:6 - iBhayibhili Elingcwele 1978

⁶ Uyababhubhisa abaqamba amanga. INkosi iyabenyanya abachitha igazi labalenkohliso.

IBhayibhili Elingcwele LesiNdebele

⁶ Uyababhubhisa labo abaqamba amanga; abomele igazi labakhohlisayo uThixo uyabenyanya.

AmaHubo 5:6 ပူးပေါင်းရင်းမြစ်များ

UGenesisi 34:14

athi kubo: Asilakuwenza lokho, ukunika udadewethu umuntu ongasokwanga, ngoba lokho kulihlazo kithi.

2 USamuyeli 16:8

INkosi uNkulunkulu yehlisele phezu kwakho lonke igazi lendlu kaSawuli obukade ubusa esikhundleni sakhe; inikele umbuso kuAbisalomu indodana yakho. Khangela, ububi bakho sebukuficile, ngoba wena ungumuntu wegazi.

2 USamuyeli 20:1

Kwakukhona lapho umuntu omubi, ibizo lakhe linguSheba indodana kaBikiri wakoBenjamini; wakhalisa uphondo wathi: Kasilasabelo kuDavida, kasilalifa endodaneni kaJese; hambani lonke emathenteni enu, Israyeli.

AmaHubo 11:5

INkosi iyabahlola abalungileyo lababi, umphefumulo wayo uyazonda othanda okubi.

AmaHubo 4:2

Lina bantu, koze kube nini ubukhosi bami budunyazwa na? Koze kube nini lithanda amazwi ayize, lifune amanga na?

AmaHubo 43:1

Ngahlulela, Nkulunkulu, umele indaba yami ebantwini abangalunganga; ungikhulule ebantwini ababi labakhohlakeleyo.

AmaHubo 55:23

Kodwa wena, Nkulunkulu, uzakubawisela phansi, uzakubawisela emgodini otshonayo; abantu begazi lenkohliso kabayikufinyelela lasengxenyeni yensuku zabo zokuphila. Kodwa mina ngizakuthemba kuwe.

U-Isaya 26:21

Ngoba, khangelani, iNkosi iyaphuma endaweni yayo ukuba itshaye abahlala emhlabeni ngenxa yobubi babo; umhlaba uzaveza igazi elachitheka kuwo, ungabe usabafihla ababuleweyo bawo.

AbaseRoma 1:29

begcwele konke ukungalungi, lobubi, lomhawu, lenzondo; begcwele umona, lokubulala, lenkani, lenkohliso, lolunya; bengabahlebayo

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.