AmaHubo 5:10 - iBhayibhili Elingcwele 1978

¹⁰ Kazithwale icala lazo, Nkulunkulu, kaziwe ngenxa yamacebo azo; uzilahle ngenxa yeziphambeko zazo ezinengi, ngoba zikuvukele.

IBhayibhili Elingcwele LesiNdebele

¹⁰ Tshono uthi balecala, Oh Nkulunkulu! Akuthi amacebo abo abe yikuwa kwabo. Baxotshele khatshana ngenxa yezono zabo ezinengi, ngoba bakuhlamukele wena.

AmaHubo 5:10 ပူးပေါင်းရင်းမြစ်များ

2 USamuyeli 15:31

Kwabikwa kuDavida kwathiwa: UAhithofeli uphakathi kwabahlamuke loAbisalomu. UDavida wakhuleka wathi: Nkosi, ake uphendule amacebo kaAhithofeli abe yibuthutha.

2 USamuyeli 17:14

UAbisalomu labo bonke abantu bakoIsrayeli bathi: Ukweluleka kukaHushayi waseArki kungcono kulokukaAhithofeli. Ngoba iNkosi uNkulunkulu yayimisile ukuba kudilizwe ukweluleka okuhle kukaAhithofeli ukuze imehlisele okubi uAbisalomu.

2 USamuyeli 17:23

Lapho uAhithofeli ebona ukuthi ukweluleka kwakhe kakulandelwanga, wabophela ubabhemi wakhe, wasuka waya ekhaya emzini wakhe; eselungisile izinto zomuzi wakhe, waseziphanyeka, wafa, wangcwatshelwa elibeni likayise.

2 ImiLando 25:16

Kodwa kwathi esakhuluma, uAmaziya wathi kuye: Kambe sikwenze nini umeluleki wenkosi na? Thula! Uzifakelani engozini na? Kodwa engakathuli umprofethi wathi: Ngiyazi ukuba uNkulunkulu uzimisele ukukubhubhisa, ngoba wenzile lokhu, kawukulalelanga ukweluleka kwami.

U-Esta 7:10

Basebemlengisa kulologodo ayelulungisele uMoridekayi. Ngemva kwalokho kwasekudeda ukuthukuthela kwenkosi.

AmaHubo 10:15

Qeda amandla omubi longalunganga, ubufunisise ububi bakhe ukuze bungabe busafunyanwa.

AmaHubo 107:11

ngoba baphambana lamazwi kaNkulunkulu, badelela iseluleko soPhezukonke.

AmaHubo 17:13

Vuka, Nkosi! ubahlangabeze, ubachithe. Ngomkhonto wakho khulula ukuphila kwami kubo ababi,

AmaHubo 31:18

Kayithuliswe imilomo eqamba amanga, ekhuluma ngokudelela abalungileyo ngokuzigqaja langokweyisa.

AmaHubo 35:26

Kabayangeke babe lenhloni abajabula ngenxa yokuhlupheka kwami; babanjwe zinhloni bayangeke labo abazikhukhumeza ngami.

AmaHubo 55:15

Ukufa kakubafikele, bawiselwe endaweni yabafileyo besaphila, ngoba ububi busemizini yabo lasenhliziyweni yabo.

AmaHubo 66:7

Ubusa ngamandla akhe kuze kube nininini, omehlo akhe ayazilinda izizwe; abalenkani kabangaziphakamisi.

AmaHubo 71:13

Abamelana lami kabayangeke baphele, kabasitshekelwe yikuyangeka lehlazo labo abafuna ukungilimaza.

AmaHubo 79:12

Ubaphindisele kasikhombisa abakhelene lathi ukuthuka abakuthuka ngakho, Nkosi.

U-Isaya 1:2

Zwanini, mazulu; ulalele lawe mhlaba, ngoba iNkosi isikhulumile, yathi: Ngondlile ngakhulisa abantwana, kodwa bangivukela.

U-Isaya 1:20

kodwa uba lisala lihlamuka, lizadliwa ngomkhonto; ngoba iNkosi isikhulumile.

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

Izililo 1:5

Izitha zalo sezilibusa, ziyaphumelela, ngoba iNkosi ilenze lahlupheka ngenxa yobunengi beziphambeko zalo. Abantwana balo bathunjiwe yizitha.

UDanyeli 9:5

sonile, saziphatha kubi, senza okubi, sakuhlamuka, sayephula imilayo yakho lezimiso zakho;

UDanyeli 9:9

Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

UHosiya 9:7

Insuku zokutshaywa sezifikile, lensuku zokuphindisela sezifikile. UIsrayeli uzakukwazi lokhu. Umprofethi uzakuba njengesithutha, lomuntu olomoya abe njengohlanyayo ngenxa yobubi benu obukhulu lenzondo yenu enkulu.

1 AbaseKhorinte 3:19

Ngoba ukuhlakanipha komhlaba kuyibuthutha kuNkulunkulu. Kulotshiwe ukuthi: Ubamba abahlakaniphileyo ebuqilini babo;

UDutheronomi 2:30

Kodwa uSihoni inkosi yaseHeshiboni kayisivumelanga ukuba sidlule; ngoba iNkosi uNkulunkulu wenu yenza umoya wakhe waba lukhuni, lenhliziyo yakhe yaba lenkani, ukuze imnikele ezandleni zenu njengalamhlanje.

1 USamuyeli 25:29

Loba kusuka umuntu exotshana lawe efuna ukuphila kwakho, iNkosi uNkulunkulu wakho izagoqela ukuphila kwakho, ikugcine; kodwa ukuphila kwezitha zakho izakukujikijela kungathi kuphoswa amatshe ngesavutha.

1 USamuyeli 25:39

UDavida esezwile ukuthi uNabali kasekho wathi: Kayibongwe iNkosi ephindisele ukuthukwa kwami nguNabali, yathinta inceku yayo ekwenzeni okubi, yabuyisela ububi bukaNabali kwelakhe ikhanda. UDavida wasethumela ilizwi, wakhuluma loAbigayili ukuba amthathe abe ngumkakhe.