AmaHubo 49:11 - iBhayibhili Elingcwele 1978

¹¹ Amaliba abo ayimizi yabo kuze kube nininini, izindawo zabo zokuhlala kokuphela, lanxa babesithi amazwe ngawabo.

IBhayibhili Elingcwele LesiNdebele

¹¹ Amangcwaba abo ayizindlu zabo zanininini, yimizi yabo okwezizukulwane ezingapheliyo, lokuba nje basebeqambe iziqinti ngamabizo abo.

AmaHubo 49:11 ပူးပေါင်းရင်းမြစ်များ

UGenesisi 4:17

UKayini wangena lomkakhe engutsheni; umkakhe wathatha isisu, wabeletha uEnoki. Wakha umuzi, wawutha ibizo lokuthi yiEnoki, ibizo lendodana yakhe.

AmaHubo 64:6

Baceba izenzo ezimbi besithi: Silenzile icebo elihle. Ngoba ingqondo lenhliziyo yomuntu izikile.

AmaHubo 5:9

Ngoba kalikho iqiniso emilonyeni yazo, inhliziyo zazo ziyibubi impela; imiphimbo yazo ililiba elivulekileyo, ziyakhohlisa ngenlimi zazo.

UHezekhiyeli 38:10

INkosi uNkulunkulu ithi: Ngalo losuku kuzafika imicabango engqondweni yakho, wenze amacebo amahi,

AmaHubo 10:6

Uthi enhliziyweni yakhe: Kangizukunyikinywa; kangisoze ngehlelwa yingozi.

2 USamuyeli 18:18

UAbisalomu esekhona wayemise insika esigodini senkosi, ngoba wathi: Angilandodana yokukhumbula ibizo lami. Leyonsika wayitha ibizo lakhe, kuthiwa yisikhumbuzo sikaAbisalomu kuze kube lamuhla.

Imisebenzi 8:22

Ngakhoke phenduka kulobububi bakho, ucele iNkosi ukuthi uba kungenzeka uthethelelwe iminakano yenhliziyo yakho,

ULukha 11:39

Yasisithi iNkosi kuye: Linake, baFarisi, lihlambulula ingaphandle yenkezo leyesitsha, kodwa ingaphakathi yenu igcwele ukuphanga lobubi.

1 USamuyeli 15:12

Kusisa uSamuweli wavuka ekuseni ukuhlangabeza uSawuli; kodwa watshelwa ukuthi uSawuli usehambile waya eKarmeli; kwathiwa uthe esezimisele khona insika, wasedlulela eGiligali.

UDutheronomi 3:14

UJayiri umntakaManase wathatha lonke ilizwe laseArigobi, ngitsho iBashani, kuze kube semngceleni wamaGeshuri lowamaMahakathi; wayibiza imizi ngebizo lakhe wathi yiHavothi‐Jayiri, kuze kube lamuhla.

AmaHubo 39:7

Phoke, Nkosi, ngingathembani na? Ithemba lami likuwe.

UmTshumayeli 2:14

Ohlakaniphileyo uyabona lapho aya khona, kodwa isithutha sihamba emnyameni; kanti ngabona ukuthi isiphetho sabo bonke abantu sinye.

UmTshumayeli 2:21

ngoba lowo otshikatshike ngokuhlakanipha langolwazi langobungcitshi konke angakutshiyela umuntu ongazanga akusebenzele. Lalokho lakho kulize, lobubi obukhulu.