AmaHubo 46:3 - iBhayibhili Elingcwele 1978

³ lanxa amanzi alo ehlokoma, ekhaphazela, lezintaba zizamazama ngokukhukhumala kwalo.

IBhayibhili Elingcwele LesiNdebele

³ loba amanzi alo ehlokoma agubhazele izintaba zivevezele ngokuqubuka kwalo.

AmaHubo 46:3 ပူးပေါင်းရင်းမြစ်များ

1 AmaKhosi 19:11

Kwasekuthiwa kuye: Hamba uyekuma phezu kwentaba phambi kweNkosi. INkosi yayidlula khona. Kwaba khona umoya omkhulu olamandla udabula izintaba, uqhekeza amadwala phambi kwayo; kodwa iNkosi yayingekho emoyeni. Ngemva komoya kwaba khona ukunyikinyeka komhlaba; kodwa iNkosi yayingekho ekunyikinyekeni komhlaba.

UJobe 38:11

ngathi: Uzafika lapho, kodwa ungadluli, amavinqo akho azigqajayo azaphelela lapha.

AmaHubo 18:4

Izibopho zokufa zangizingelezela, lezikhukhula zokubhujiswa zangethusa.

U-Isaya 5:3

Ngakho uthi: Lina baseJerusalema, lani bantu bakoJuda, ake lahlulele phakathi kwami lesivini sami.

U-Isaya 54:10

Lanxa izintaba zingasuka, lamaqaqa asuswe, kodwa uthando lwami olungapheliyo kaluyikusuka kuwe, lesivumelwano sami sokuthula kasiyikususwa, kutsho iNkosi ekuhawukelayo.

UJeremiya 4:24

Ngakhangela izintaba, zazinyikinyeka, lamaqaqa wonke ayenyakazela.

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.

UMikha 1:4

Intaba zizancibilika ngaphansi kwayo lezihotsha ziqekezeke, zincibilike njengengcino phambi komlilo, zibe njengamanzi ageleza emaweni.

UNahume 1:5

Intaba ziyanyikinyeka phambi kwayo, lamaqaqa ayancibilika; ilizwe liyachitheka phambi kwayo, umhlaba labo bonke abakhileyo kuwo.

UMatewu 7:25

Lana izulu, kwafika impophoma, kwavunguza imimoya, yayitshaya leyondlu; kodwa kayiwanga, ngoba yayisekelwe lidwala.

Isambulo 16:20

Izihlenge zonke zabaleka, lentaba zanyamalala.

Isambulo 17:15

Sasesisithi kimi: Amanzi owabonileyo, lapho sihlezi khona isiphingi, angabantu lamaxuku lezizwe lezindimi.