AmaHubo 45:8 - iBhayibhili Elingcwele 1978

⁸ Izambatho zakho zonke ziqholiwe ngemure langenhlaba langekasiya; ezigodlweni eziceciswe ngempondo zendlovu ukukhala kwamachacho kuyakuthokozisa.

IBhayibhili Elingcwele LesiNdebele

⁸ Zonke izembatho zakho ziqholiwe ngemure, langenhlaba langekhasiya; ezigodlweni eziceciswe ngempondo zendlovu kuqhamuka inhlokomo yeziginci ekuthokozisayo.

AmaHubo 45:8 ပူးပေါင်းရင်းမြစ်များ

1 AmaKhosi 22:39

Ezinye indaba zikaAhabi, lakho konke akwenzayo, langendlu yempondo zendlovu ayakhayo, langemizi yonke ayakhayo, kulotshiwe ogwalweni lwezindaba zamakhosi akoIsrayeli.

AmaHubo 11:7

Ngoba iNkosi ilungile, iyathanda ukulunga; abaqotho bazakubona ubuso bayo.

AmaHubo 150:4

limdumise ngokutshaya isigubhu langokusina, limdumise ngechacho langomhlanga,

AmaHubo 16:11

Uzakungazisa indlela yokuphila; phambi kwakho kugcwele ukuthokoza, langakwesokunene sakho kukhona intokozo kuze kube nininini.

AmaHubo 45:15

Ngokuthaba langokujabula ziyahamba, zingena esigodlweni senkosi.

Ingoma 1:13

Isithandwa sami kimi sinjengesamba semure siqamele esifubeni sami.

Ingoma 1:3

Iphunga lamagcobo akho limnandi, lebizo lakho lihle njengamagcobo amnandi; ngakhoke izintombi ziyakuthanda.

Ingoma 3:6

Kuyini lokhuya okuvela enkangala kunjengensika yentuthu, evela ekutshisweni kwemure lempepha, lokunjengamakha wonke abathengi na?

Ingoma 4:6

Emadabukakusa, kusapholile, kusesemnyama, ngizakhwela entabeni yemure lasoqaqeni lwempepha.

Ingoma 5:1

Sengingena esivandeni sami, dadewethu lomlobokazi wami, ngiyabutha imure yami lamakha ami, ngidle inyosi zami loluju lwami, nginathe iwayini lami lochago lwami. Dlanini, bangane bami, linathe, lize lidakwe luthando.

Ingoma 5:13

Izihlathi zaso zinjengendima zamakha akhupha iphunga elihle. Indebe zaso zinjengemiduze zithonta imure elimanzi.

Ingoma 5:5

Ngasukuma ukusivulela isithandwa sami, izandla zami zivuza imure, iminwe yami ithonta imure engamanzi ezibambeni zesivalo.

uAmosi 3:15

Ngizatshaya indlu yasebusika lendlu yasehlobo, izindlu zempondo zendlovu zizadilika, lezindlu ezinengi ziwohloke; kutsho iNkosi.

UMatewu 2:11

Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.

UJohane 14:2

Ekhaya likaBaba kukhona izindlu ezinengi; uba kwakungenjalo, ngabe ngalitshela ukuthi ngiya ukulilungisela indawo na?

UJohane 19:39

Kweza loNikodima laye, owake wafika kuye kuqala ebusuku, ephethe imure lixutshaniswe lenhlaba, ubunengi bayo bungangemifuma eminengi.

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.