AmaHubo 45:6 - iBhayibhili Elingcwele 1978

⁶ Isihlalo sakho sobukhosi osinikwe nguNkulunkulu simi kuze kube nininini, lentonga yakho yobukhosi iyintonga yokulunga.

IBhayibhili Elingcwele LesiNdebele

⁶ Isihlalo sakho sobukhosi, Oh Nkulunkulu, sizakuma nini lanini; intonga yokwahlulela okulungileyo izakuba yintonga yombuso wakho.

AmaHubo 45:6 ပူးပေါင်းရင်းမြစ်များ

2 USamuyeli 23:4

unjengokukhanya kwasekuseni ekuphumeni kwelanga, ilanga elikhanyayo ekuseni kungekho amayezi, lanjengezulu elihlumisa utshani emhlabathini.

AmaHubo 145:13

Umbuso wakho ungumbuso ongapheliyo, lobukhosi bakho bumi kuzo zonke izizukulwana. INkosi ithembekile emazwini ayo wonke, igcwele umusa ezenzweni zayo zonke.

AmaHubo 89:29

Ngizakumisa inzalo yakhe kuze kube nininini, lesihlalo sakhe sobukhosi sime kokuphela.

AmaHubo 93:2

Isihlalo sakho sobukhosi samiswa endulo; wena wawukhona kusukela nininini.

AmaHubo 98:9

phambi kweNkosi, ngoba iyeza ukwahlulela umhlaba; izakuwahlulela umhlaba ngokulunga, lezizwe ngobuqotho.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

AmaNani 24:8

UNkulunkulu wamkhupha eGibithe, kubo ulamandla njengenyathi; uzakudla izizwe, izitha zakhe, afohloze amathambo azo, abe yizicucu, azigwaze ngemikhonto yakhe.

UJohane 1:1

Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu.

UDutheronomi 32:42

Ngizadakisa imitshoko yami ngegazi, umhedla wami uzakudla inyama, ngitsho ngegazi lababuleweyo lelabathunjiweyo, lelamakhanda ezitha alenwele ezinde.

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.