AmaHubo 45:2 - iBhayibhili Elingcwele 1978

² Umuhle wena kulabantu bonke; mahle amazwi akho; ngakho uNkulunkulu ukubusisile insuku zonke.

IBhayibhili Elingcwele LesiNdebele

² Uyilikhwa lamakhwa emadodeni wonke lezindebe zakho ziconjwe kuhle ngobunono, njengalokhu uNkulunkulu ekubusisile lanininini.

AmaHubo 45:2 ပူးပေါင်းရင်းမြစ်များ

AmaHubo 21:6

Yebo, uyayibusisa kuze kube nini lanini, uyayithokozisa ngenjabulo yokubakhona kwakho.

Izaga 22:11

INkosi ithanda umuntu oqotho; kodwa abantu bangaba ngabangane bamakhosi ngamazwi amahle.

Izaga 5:2

ukuba ube lengqondo ehlakaniphileyo, lomlomo wakho ukhulume ngokwazi.

Ingoma 2:3

Njengesihlahla somqokolo phakathi wezihlahla zesandle, sinjaloke isithandwa sami phakathi kwamajaha. Ngithanda ukuhlala emthunzini waso, lezithelo sazo zimnandi kimi.

U-Isaya 33:17

Amehlo enu azayibona inkosi ebuhleni bayo, abone ilizwe elibanzi.

U-Isaya 50:4

INkosi uNkulunkulu inginikile ulimi lofundisayo, lokwazi ukuba ngiduduze abakhatheleyo. Ingivusa ekuseni insuku zonke, ukuba ngizwe njengofundisiweyo.

U-Isaya 61:1

Umoya weNkosi uNkulunkulu uphezu kwami, ngoba iNkosi ingigcobile ukuba ngitshumayele indaba ezinhle kubayanga, ingithumile ukusilisa abalenhliziyo ezidabukileyo, ngimemezele ukukhululwa kwabathunjiweyo, lokuvulelwa kwezibotshwa entolongweni;

UZakhariya 9:17

Yeka ubuhle balo lokubukeka kwalo! Amabele azakhulisa izinsizwa, lewayini elitsha likhulise izintombi.

UMatewu 17:2

Waphenduka isimo phambi kwabo, ubuso bakhe bakhanya njengelanga, lengubo zakhe zaba mhlophe njengokukhanya.

ULukha 4:22

Bonke bamncoma bemangala ngamazwi omusa aphuma emlonyeni wakhe. Bathi: Lo kasiyo indodana kaJosefa na?

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 7:46

Amanxusa aphendula athi: Kakuzange kukhulume umuntu njengokuba ekhuluma lumuntu.

AmaHebheru 7:26

Umpristi omkhulu onjalo usifanele thina, ongcwele, ongelacala, ongelasici, owahlukanisiweyo kuzo izoni, owaphakanyiselwa emazulwini.