AmaHubo 45:10 - iBhayibhili Elingcwele 1978

¹⁰ Zwanake, ntombi, uqaphele, ubeke indlebe yakho; ukhohlwe abantu bakini lendlu kayihlo;

IBhayibhili Elingcwele LesiNdebele

¹⁰ Lalela, ndodakazi, nanzelela uvule indlebe; khohlwa abakini, lendlu yakwenu.

AmaHubo 45:10 ပူးပေါင်းရင်းမြစ်များ

UGenesisi 12:1

INkosi yasisithi kuAbrama: Suka elizweni lakini lasezihlotsheni zakho lasemzini kayihlo, uye elizweni engizakukutshengisa lona.

UGenesisi 2:24

Ngenxa yalokhu umuntu uzakutshiya uyise lonina, anamathele kumkakhe; bazakuba nyamanye.

1 AmaKhosi 9:28

Baya eOfiri, balanda khona igolide elingamathalenta angamakhulu amane lamatshumi amabili, baliletha enkosini uSolomoni.

AmaNani 10:30

Wathi kuye: Kangiyikuhamba lani, kodwa ngizahamba ngiye elizweni lakithi lasezihlotsheni zami.

UMatewu 10:37

Othanda uyise ingabe unina kulami kafanele mina; lothanda indodana ingabe indodakazi kulami kafanele mina:

UMatewu 19:29

Lalowo otshiye izindlu, labafowabo, lodadewabo, loyise, lonina, labantwana ingabe amasimu ngenxa yebizo lami, uzakwamukeliswa ngekhulu, adle ilifa lokuphila okungapheliyo.

ULukha 14:26

Uba umuntu esiza kimi engazondi uyise lonina lomkakhe labantwana labafowabo lodadewabo, yebo, ngitsho lokusila kwakhe, angebe ngumfundi wami.

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

2 AbaseKhorinte 6:17

Ngakhoke phumani phakathi kwabo, lahlukane labo, kutsho iNkosi; lingathinti okungcolileyo; ng’khonake ngizakulamukela.

UDutheronomi 21:13

akhumule ingubo zokuthunjwa kwakhe, ahlale emzini wakho elilela uyise lonina yonke inyanga, andubana amthathe, ube yindoda yakhe laye abe ngumkakho.

UDutheronomi 33:9

lowo owathi ngoyise lonina: Kangibananzanga; wabandlulula abafowabo, wafulathela abantwana bakhe. Balalela ilizwi lakho, bagcina isivumelwano sakho.