AmaHubo 44:3 - iBhayibhili Elingcwele 1978

³ Ngoba kabalithumbanga ilizwe ngemikhonto yabo, kabanqobanga ngamandla abo, kodwa ngesandla sakho langamandla akho, langokukhanya kobuso bakho; ngoba wawubathanda.

IBhayibhili Elingcwele LesiNdebele

³ Kwakungasinkemba zabo ezathumba ilizwe, njalo kakusingalo yabo eyaletha ukunqoba; kwaba yisandla sakho sokunene, ingalo yakho, lokukhanya kobuso bakho, ngoba wawubathanda.

AmaHubo 44:3 ပူးပေါင်းရင်းမြစ်များ

2 USamuyeli 7:23

Yisiphi isizwe emhlabeni esinjengabantu bakho uIsrayeli, Nkulunkulu owazihlengela bona eGibithe baba ngabantu bakho, wazenzela udumo, wabenzela izenzo ezinkulu lezesabekayo ngokuxotsha ngaphambi kwabo izizwe kanye labonkulunkulu bazo, na?

2 ImiLando 20:7

Wena, Nkulunkulu wethu, kawubaxotshanga yini abantu balelilizwe phambi kwabantu bakho uIsrayeli, walinika inzalo kaAbrahama umngane wakho ukuba libe ngelayo kuze kube nininini na?

AmaHubo 111:6

Ibatshengisile abantu bayo amandla emisebenzini yayo ngokubanika ilizwe lezizwe.

AmaHubo 17:7

Akutshengise ukumangaliswa kothando lwakho olungapheliyo, wena owophula labo abacatshela izitha zabo esandleni sakho sokunene.

AmaHubo 20:6

Sengisazi ukuthi iNkosi izakumsiza ogcotshiweyo wayo, imphendule isezulwini layo elingcwele ngezenzo ezilamandla zokunqoba ngesandla sakhe sokunene.

AmaHubo 4:6

Banengi abathi: Ngubani ozakusitshengisa okuhle na? Nkosi, phakamisela ukukhanya kobuso bakho phezu kwethu.

AmaHubo 42:11

Udaneleni mphefumulo wami na? Ukhathazekelani phakathi kwami na? Themba kuNkulunkulu, ngoba ngisezakumdumisa futhi, umsizi wami loNkulunkulu wami.

AmaHubo 42:5

Udaneleni mphefumulo wami na? Ukhathazekelani phakathi kwami na? Themba kuNkulunkulu, ngoba ngisezakumdumisa, umsizi wami loNkulunkulu wami.

AmaHubo 74:11

Usifinyezeleni isandla sakho na? Ugodleleni isandla sakho sokunene ohlangothini lwakho na?

AmaHubo 77:15

Ngamandla akho wabakhulula abantu bakho, amadodana kaJakobe loJosefa.

AmaHubo 78:55

Wazixotsha izizwe phambi kwabo; wabahlukanisela ilizwe lazo laba yilifa labo, wahlalisa izizwe zakoIsrayeli emathenteni azo.

AmaHubo 80:16

Balitshisile ngomlilo, baligamulela phansi; kungathi bangabhubha ngokubakhangela kwakho lapho ubakhuza!

AmaHubo 80:9

Walicentela indawo, waligxumeka, lagcwala umhlaba wonke.

U-Eksodasi 15:16

Behlelwa luvalo lokwesaba; ngamandla engalo yakho kabanyikinyeki njengelitshe, baze bachaphe abantu bakho, Nkosi, baze bachaphe labo obathengileyo.

U-Isaya 63:12

owasebenzisa amandla akhe, wenza izinto ezimangalisayo ngoMose, owahlukanisa amanzi phambi kwabo ukuba azenzele ibizo elingakhohlakaliyo,

UZakhariya 4:6

Sasesisithi kimi: Nanti ilizwi leNkosi kuZerubabeli lithi: Ukuphumelela kwakho kakusikho ngempi langamandla, kodwa ngomoya wami, kutsho iNkosi yamabandla.

AmaNani 14:8

Uba iNkosi isithanda, izakusingenisa elizweni lelo eligcwele uchago lenyosi, isinike lona.

2 AbaseKhorinte 4:7

Kodwa silayo linotho ezitsheni zebumba, ukuze ubukhulu bamandla amakhulu bube ngobukaNkulunkulu, bungabi ngobethu.

UDutheronomi 10:15

Kodwa iNkosi yabambelela kubokhokho benu, yabathanda, yakhetha inzalo yabo emva kwabo, ngitsho lina phakathi kwabo bonke abantu, njengalamhla.

UJoshuwa 24:12

Ngathumela olonyovu phambi kwenu abaxotsha phambi kwenu amakhosi amabili amaAmori; lokho kwakungesiwo umsebenzi wemikhonto lemitshoko yenu.

UJoshuwa 3:10

Wathi: Lizakwazi ngalokhu ukuthi uNkulunkulu ophilayo uphakathi kwenu, lokuthi uzawaxotsha ngempela amaKanani lamaHethi lamaPerizi lamaGirigashi lamaAmori lamaJebusi ngaphambi kwenu.

1 USamuyeli 12:22

Ngoba iNkosi kayikubalahla abantu bayo ngenxa yebizo layo elikhulu, ngoba kwaba kuhle kuyo ukuzenzela lina libe ngabantu bayo.