AmaHubo 40:17 - iBhayibhili Elingcwele 1978

¹⁷ Loba mina ngiyisihlupheki ngiswela, iNkosi iyanginanzelela; wena ungumsizi wami lomkhululi wami; ungalibali, Nkulunkulu wami.

IBhayibhili Elingcwele LesiNdebele

¹⁷ Kodwa mina ngiyahlupheka, ngiyaswela; sengathi iNkosi ingangikhumbula. Ilusizo lwami lomkhululi wami; Oh Nkulunkulu wami, ungalibali.

AmaHubo 40:17 ပူးပေါင်းရင်းမြစ်များ

AmaHubo 109:22

Ngoba ngiyisihlupheki lomyanga, lenhliziyo yami idabukile phakathi kwami.

AmaHubo 34:4

Ngakhuleka eNkosini, yangizwa, yangikhulula kukho konke ukwesaba kwami.

AmaHubo 34:6

Lesisihlupheki sakhala eNkosini, yasizwa, yasikhulula kuzo zonke inkathazo zaso.

AmaHubo 35:27

Kodwa labo abathokoza ngokuqonda kwami kabamemeze bathabe kakhulu, batsho njalonjalo ukuthi: Yinkulu iNkosi ethokoza ngokuphumelela kwenceku yayo.

AmaHubo 40:5

Nkosi, Nkulunkulu wami, wena wenzile izinto ezinkulu, lemicabango yakho mihle ngathi; kakho ongafaniswa lawe. Uba ngizilandisa ngizitsho, zinengi zingeke zibalwe.

AmaHubo 54:4

Khangela, uNkulunkulu ungumsizi wami; iNkosi iyasekela ukuphila kwami.

AmaHubo 69:33

Ngoba iNkosi iyabalalela abahluphekayo, kayizideleli izibotshwa zayo.

AmaHubo 70:5

Kodwa ngiyisihlupheki ngiyaswela; phangisa uze kimi, Nkulunkulu. Wena ungumsizi wami lomkhululi wami; ungaphuzi, Nkosi.

AmaHubo 86:1

Nkosi, beka indlebe yakho, ungiphendule, ngoba ngiyahlupheka, ngiyaswela.

U-Isaya 25:9

Kuzakuthiwa ngalolosuku: Khangela, lo nguNkulunkulu wethu ebesimlindele ukuba asikhulule. Le yiNkosi ebesiyilindele; asithabe, sithokoze ngokusikhulula kwayo.

U-Isaya 41:17

Lapho abayanga labaswelayo bedinga amanzi, kodwa engekho, lenlimi zabo sezomile kakhulu, mina Nkosi ngizakubaphendula, mina Nkulunkulu kaIsrayeli kangiyikubalahla.

UMatewu 8:20

UJesu wathi kuye: Amakhanka alemilindi, lenyoni zaphezulu zilezidleke, kodwa iNdodana yomuntu kayilandawo lapho ingaqamelisa khona ikhanda layo.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

AmaHebheru 13:6

Ngakho singatsho ngesibindi ukuthi: INkosi ingumsizi wami, kangiyikwesaba; umuntu angenzani kimi na?

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 2:23

owathi ethukwa kazaphindisela ngokuthuka, owathi ehlutshwa kazasongela, kodwa wathembela kulowo othonisisa ngokulunga.

1 UPhethro 5:7

Lethulele phezu kwakhe izinkathazo zenu zonke, ngoba uyalikhathalela.

Isambulo 22:20

Ofakaza ngalezizinto uthi: Impela ngiyeza masinyane. Ameni. Woza Nkosi Jesu!