AmaHubo 3:3 - iBhayibhili Elingcwele 1978

³ Kodwa wena Nkosi, uyisihlangu sami, lodumo lwami, uyanginika isibindi.

IBhayibhili Elingcwele LesiNdebele

³ Kodwa wena uyisihlangu sokungivikela, Oh, Thixo, inkazimulo yami, uphakamisa ikhanda lami.

AmaHubo 3:3 ပူးပေါင်းရင်းမြစ်များ

UGenesisi 15:1

Emva kwalokhu ilizwi leNkosi lafika kuAbrama ngombono, lathi: Ungesabi wena Abrama, ngiyisihlangu sakho; umvuzo wakho uzakuba mkhulu kakhulu.

UGenesisi 40:13

zingakadluli insuku ezintathu uFaro uzakukuphakamisa, akubuyisele esikhundleni sakho; wena uzamnika uFaro inkezo yakhe esandleni sakhe njengokwenza kwakho kwakuqala lapho wawusengumphathizitsha wakhe.

2 AmaKhosi 18:30

lingamvumeli ukuba alenze lithembele eNkosini uNkulunkulu ngokuthi: INkosi izakusikhulula sibili, lumuzi kawuyikunikelwa esandleni senkosi yaseAsiriya.

2 AmaKhosi 18:32

ngize ngifike ngilithathe, ngilise elizweni elifanana lelizwe lakini, ilizwe eligcwele amabele lewayini lomumbu lezivini lezihlahla zamaoliva lenyosi, ukuze liphile lingafi. Lingamlaleli uHezekiya nxa elikhohlisa ngokuthi: INkosi uNkulunkulu izakusikhulula.

2 AmaKhosi 25:27

Ngomnyaka wamatshumi amathathu lesikhombisa wokuthunjwa kukaJehoyakini inkosi yakoJuda, ngosuku lwamatshumi amabili lesikhombisa lwenyanga yetshumi lambili uEvili‐Merodaki inkosi yaseBabiloni ngomnyaka abekwa ngawo abe yinkosi wakhulula uJehoyakini inkosi yakoJuda entolongweni,

AmaHubo 110:7

Izakunatha emfuleni ngasendleleni; ngakhoke izakuma inqobile.

AmaHubo 119:114

Wena uyisiphephelo sami lesihlangu sami; ngiyathemba elizwini lakho.

AmaHubo 18:2

INkosi ilidwala lami, lenqaba yami, lomkhululi wami; uNkulunkulu wami ulidwala lami engiphephela kulo, lesihlangu sami, lesivikelo sami lenqaba yami.

AmaHubo 27:6

Ngizaliphakamisela ikhanda lami ngaphezu kwezitha zami ezingihanqileyo; ngizakunikela iminikelo yokuthaba ethenteni layo, ngizakuhlabela ngidumise iNkosi.

AmaHubo 28:7

INkosi ingamandla ami lesihlangu sami; inhliziyo yami ithemba kuyo; iyangisiza, ngakho inhliziyo yami iyathokoza, ngiyibonge ngengoma yami.

AmaHubo 4:3

Kodwa yazini ukuthi iNkosi izahlukanisele olungileyo; iNkosi iyangizwa lapho ngikhala kuyo.

AmaHubo 62:7

Ukukhululwa kwami lodumo lwami kukuNkulunkulu; idwala lami eliqinileyo lesiphephelo sami kunguNkulunkulu.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

U-Isaya 45:25

Kanti inzalo kaIsrayeli izakunqoba, ithokoze ngeNkosi.

U-Isaya 60:19

Ilanga kalisayikuba yikukhanya kuwe emini, lenyanga kayisayikukukhanyisela ebusuku; kodwa iNkosi izakuba yikukhanya kwakho okungelakuphela, loNkulunkulu wakho abe ludumo lwakho.

ULukha 2:32

ukukhanya kokwambulela abezizwe lenkazimulo yesizwe sakho uIsrayeli.

UDutheronomi 33:29

Uthabile, wena Israyeli! Ngubani onjengawe, isizwe esikhululwe yiNkosi, eyisihlangu sokusizwa kwakho lomkhonto wokunqoba kwakho? Izitha zakho zizakuzithobela wena, uzinyathele phansi.

Isambulo 21:11

ulenkazimulo kaNkulunkulu; ukukhanya kwawo kwakunjengelitshe elihle kakhulu elinjengelitshe elithiwa ijaspi, elicwazimula kakhulu.

Isambulo 21:23

Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.