AmaHubo 29:2 - iBhayibhili Elingcwele 1978

² Inikeni iNkosi udumo lwebizo layo, likhuleke eNkosini lambethe ingubo ezingcwele.

IBhayibhili Elingcwele LesiNdebele

² Mupheni uThixo ubukhosi obufanele ibizo lakhe; mkhonzeni uThixo ekukhazimuleni kobungcwele bakhe.

AmaHubo 29:2 ပူးပေါင်းရင်းမြစ်များ

2 ImiLando 20:21

Kwathi esekhulumisene labantu wakhetha labo abazahlabelela iNkosi, bayidumise begqoke izambatho ezingcwele, behamba phambi kwebutho behlabela besithi: Ibongeni iNkosi, uthando lwayo olungapheliyo lumi kuze kube nininini.

AmaHubo 110:3

Abantu bakho bazakuzinikela ngokujabula mhla uhola izimpi zakho; emadabukakusa insizwa zakho zizakuza kuwe entabeni ezingcwele, zilamandla amatsha njengamazolo asekuseni.

AmaHubo 27:4

Into yinye engiyicela eNkosini engizakuyifunisisa, yikuba ngihlale endlini yeNkosi insuku zonke zokuphila kwami, ukuba ngibone ubuhle beNkosi, ngibuke ithempeli layo.

AmaHubo 90:17

Umusa wakho, Nkosi, Nkulunkulu wethu, kawube phezu kwethu, uphelelise umsebenzi wonke wezandla zethu.

AmaHubo 96:6

Inkazimulo lobukhosi kuphambi kwayo, amandla lobuhle kusendlini yayo engcwele.

AmaHubo 97:9

Ngoba wena, Nkosi, ungoPhezukonke emhlabeni wonke, uyabedlula onkulunkulu bonke.

UJeremiya 13:16

Inikeni iNkosi udumo, uNkulunkulu wenu, ingakalethi umnyama, lenyawo zenu zingakakhubeki ezintabeni ngoba sekuhlwile, kuthi lisadinga ukukhanya, ikuphendule kube ngumnyama, ikwenze kube ngumnyama omkhulu.