AmaHubo 26:9 - iBhayibhili Elingcwele 1978

⁹ Ungangikhukhuli kanye lezoni, lokuphila kwami kanye labantu abathanda ukuchitha igazi,

IBhayibhili Elingcwele LesiNdebele

⁹ Ungamukisi umphefumulo wami ndawonye lowezoni, impilo yami kanye lalabo abomele igazi,

AmaHubo 26:9 ပူးပေါင်းရင်းမြစ်များ

2 USamuyeli 16:7

Yilokhu akutshoyo uShimeyi lapho ethuka, wathi: Hamba, hamba, wena muntu wegazi, muntu omubi!

2 USamuyeli 21:1

Kwaba khona indlala ensukwini zikaDavida iminyaka emithathu ngokulandelana; uDavida wabuza iNkosi uNkulunkulu. Yathi: USawuli ulecala legazi kanye lendlu yakhe, ngoba wabulala abaseGibeyoni.

AmaHubo 139:19

Kungathi ungababulala ababi, Nkulunkulu! Kungathi abantu begazi bangasuka kimi;

AmaHubo 51:14

Ngikhulula ecaleni legazi, Nkulunkulu wokusizwa kwami, lolimi lwami luzakuhlabelela ngokulunga kwakho.

AmaHubo 55:23

Kodwa wena, Nkulunkulu, uzakubawisela phansi, uzakubawisela emgodini otshonayo; abantu begazi lenkohliso kabayikufinyelela lasengxenyeni yensuku zabo zokuphila. Kodwa mina ngizakuthemba kuwe.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

UMatewu 24:51

izakuyiqumaquma, iyabele labazenzisi; kuzakuba khona lapho ukukhala lokugedla amazinyo.

UMatewu 25:32

kuzakubuthelwa phambi kwayo izizwe zonke; izakubahlukanisa abanye kwabanye, njengomalusi esahlukanisa izimvu lembuzi,

UMatewu 25:44

Ngakho labo bazakuphendula besithi: Nkosi, sakubona nini ulambile, loba womile, loba ungowemzini, loba ugula, loba usentolongweni, kasakusiza, na?

UMatewu 25:46

Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

1 USamuyeli 25:29

Loba kusuka umuntu exotshana lawe efuna ukuphila kwakho, iNkosi uNkulunkulu wakho izagoqela ukuphila kwakho, ikugcine; kodwa ukuphila kwezitha zakho izakukujikijela kungathi kuphoswa amatshe ngesavutha.